اسپین میں تیز رفتار ٹرینوں کا خوفناک تصادم، 21 افراد ہلاک، درجنوں زخمی
اشاعت کی تاریخ: 19th, January 2026 GMT
جنوبی اسپین کے علاقے اندلس میں 2 تیز رفتار ٹرینوں کے درمیان شدید تصادم کے نتیجے میں کم از کم 21 افراد ہلاک اور 70 سے زائد زخمی ہو گئے۔ حادثہ اتوار کی شام قرطبہ کے قریب قصبے آدموز کے علاقے میں پیش آیا، جس کے بعد پورے ملک میں سوگ کی کیفیت ہے۔ حکام کے مطابق زخمیوں میں کئی کی حالت تشویشناک ہے، جبکہ ہلاکتوں میں اضافے کا خدشہ بھی ظاہر کیا جا رہا ہے۔
یہ بھی پڑھیں:بھارتی ریاست اڑیسہ میں خوفناک ٹرین حادثہ، 300 افراد ہلاک، 900 زخمی
میڈیا رپورٹ کے مطابق حادثہ اس وقت پیش آیا جب مالاگا سے میڈرڈ جانے والی ایک تیز رفتار ٹرین اچانک پٹڑی سے اتر گئی اور مخالف سمت سے آنے والی دوسری ٹرین سے ٹکرا گئی۔ ٹکر اتنی شدید تھی کہ دونوں ٹرینیں پٹری سے اتر گئیں اور کئی بوگیاں الٹ کر قریبی ڈھلوان پر جا گریں۔ پولیس نے ابتدائی طور پر 5 ہلاکتوں کی تصدیق کی تھی، تاہم بعد میں تعداد بڑھ کر 21 ہو گئی۔
At least 21 people have been killed after two high-speed trains collided in southern Spain, according to authorities https://t.
— Al Jazeera English (@AJEnglish) January 19, 2026
اندلس کے ایمرجنسی حکام کا کہنا ہے کہ کم از کم 73 افراد زخمی ہوئے ہیں، جن میں سے 30 کو تشویشناک حالت میں اسپتال منتقل کیا گیا۔ امدادی کارروائیاں رات گئے تک جاری رہیں، کیونکہ بوگیاں بری طرح مڑ چکی تھیں اور مسافر ان کے اندر پھنسے ہوئے تھے۔
فائر بریگیڈ کے ایک عہدیدار کے مطابق زخمیوں تک پہنچنے کے لیے ملبہ ہٹانا انتہائی مشکل تھا اور بعض اوقات جان بچانے کے لیے سخت فیصلے کرنا پڑے۔
یہ بھی پڑھیں:تھائی لینڈ میں کرین گرنے سے مسافر ٹرین حادثے کا شکار، ہلاکتوں کی تعداد 31ہوگئی
عینی شاہدین اور زندہ بچ جانے والے مسافروں نے حادثے کو انتہائی خوفناک قرار دیا۔ ایک مسافر خاتون نے بتایا کہ زور دار جھٹکے کے بعد ٹرین اچانک رک گئی، روشنی بند ہو گئی اور سامان مسافروں پر گرنے لگا۔ بچوں کے رونے اور زخمیوں کی چیخ و پکار نے منظر کو مزید دل دہلا دینے والا بنا دیا۔ ایک اور مسافر نے کہا کہ ایسا لگ رہا تھا جیسے کوئی ہارر فلم ہو۔
اسپین کے وزیرِاعظم پیڈرو سانچیز نے حادثے پر گہرے دکھ کا اظہار کرتے ہوئے کہا کہ یہ ملک کے لیے انتہائی دردناک رات ہے اور حکومت متاثرہ خاندانوں کے ساتھ کھڑی ہے۔
شاہِ اسپین فلپ ششم اور ملکہ لیٹیزیا نے بھی ہلاکتوں پر افسوس کا اظہار کیا ہے۔ فرانس کے صدر اور یورپی یونین کے اعلیٰ حکام سمیت کئی عالمی رہنماؤں نے تعزیت کے پیغامات بھیجے ہیں۔
حکام کے مطابق حادثے کے بعد میڈرڈ اور اندلس کے بڑے شہروں کے درمیان تیز رفتار ٹرین سروس عارضی طور پر معطل کر دی گئی ہے۔ ریلوے نیٹ ورک کے مطابق ٹریک حال ہی میں جدید بنایا گیا تھا، جس کی وجہ سے حادثے کی وجوہات جاننے کے لیے مکمل تحقیقات کا آغاز کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین اسپین ٹرین حادثہ اندلس یورپ
ذریعہ
ذریعہ: WE News
کلیدی لفظ: اسپین اسپین ٹرین حادثہ یورپ تیز رفتار ٹرین کے مطابق کے لیے
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ