پنجاب بھر میں سرکاری و نجی تعلیمی ادارے کھل گئے، نئے اوقاتِ کار کا نوٹیفکیشن جاری
اشاعت کی تاریخ: 19th, January 2026 GMT
پنجاب بھر کے تمام سرکاری اور نجی تعلیمی ادارے آج سے دوبارہ کھل گئے ہیں اور موسمِ سرما کی تعطیلات کے بعد تعلیمی سرگرمیاں بحال کر دی گئی ہیں۔ محکمہ تعلیم کے مطابق صوبے میں موسمِ سرما کی تعطیلات 20 دسمبر سے شروع ہوئیں تھیں، جن کے دوران طلبہ کو مجموعی طور پر 30 دن کی چھٹیاں دی گئیں۔ اس کے ساتھ ہی پنجاب بھر کے سرکاری اسکولوں کے نئے اوقاتِ کار کا باضابطہ نوٹیفکیشن بھی جاری کر دیا گیا ہے، جو 19 جنوری سے 15 اپریل 2026 تک نافذ العمل رہے گا۔ محکمہ تعلیم نے اساتذہ کے لیے پیر سے جمعرات تک سی پی ڈی (کنٹینیوئس پروفیشنل ڈویلپمنٹ) اور نصابی تیاری کی سرگرمیوں میں شرکت کو لازمی قرار دیا ہے تاکہ تعلیمی معیار کو مزید بہتر بنایا جا سکے۔
.
ذریعہ
ذریعہ: Nawaiwaqt
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ