وفاقی آئینی عدالت میں سپر ٹیکس سے متعلق ہزاروں درخواستوں کی سماعت، کیس کل تک ملتوی
اشاعت کی تاریخ: 19th, January 2026 GMT
وفاقی آئینی عدالت میں سپر ٹیکس سے متعلق دائر دو ہزار سے زائد درخواستوں پر سماعت کے دوران وکلاء کے تفصیلی دلائل سنے گئے، تاہم عدالت نے مزید سماعت کل تک کے لیے ملتوی کر دی۔
سپر ٹیکس سے متعلق کیس کی سماعت چیف جسٹس امین الدین خان کی سربراہی میں 3 رکنی بینچ نے کی۔ عدالت کو بتایا گیا کہ مجموعی طور پر 150 وکلاء میں سے 100 سے زائد اپنے دلائل مکمل کر چکے ہیں۔
یہ بھی پڑھیں:ارشد شریف قتل کیس، وفاقی حکومت نے آئینی عدالت میں پیشرفت رپورٹ جمع کروا دی
مختلف انٹرنیٹ کمپنیوں کے وکیل عدنان حیدر رندھاوا نے مؤقف اختیار کیا کہ فنانس بل 2022 سے پہلے ان کی کمپنیوں سے 18 ماہ کا سپر ٹیکس وصول کیا گیا۔ اس پر چیف جسٹس امین الدین خان نے ریمارکس دیے کہ جب ٹیکس ایئر 12 ماہ کا ہوتا ہے تو 18 ماہ کا ٹیکس کیسے عائد کیا جا سکتا ہے۔
ایف بی آر کی وکیل عاصمہ حامد نے جواب میں کہا کہ تمام ٹیکس ہمیشہ 12 ماہ کی بنیاد پر لگائے جاتے ہیں۔ انہوں نے سوال اٹھایا کہ اگر 18 ماہ کا ٹیکس ادا کیا گیا تھا تو اضافی رقم کی واپسی کے لیے درخواست کیوں نہیں دی گئی۔
عدنان حیدر رندھاوا نے عدالت کو بتایا کہ سپر ٹیکس کی شق 4 سی یکم جولائی 2022 سے نافذ ہوئی، جبکہ ان سے یکم جنوری 2021 سے خصوصی ٹیکس وصول کیا جا رہا تھا، جس سے یہ ظاہر ہوتا ہے کہ سپر ٹیکس 18 ماہ پہلے سے لیا گیا۔
عدالت میں مختلف انٹرنیٹ کمپنیوں کے وکیل عدنان حیدر رندھاوا کے دلائل مکمل ہو گئے۔ عدالت نے کیس کی مزید سماعت کل تک ملتوی کرتے ہوئے کہا کہ آئندہ سماعت پر فوجی فرٹیلائزرز کے وکیل جمال احمد سکھیرا اپنے دلائل پیش کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیف جسٹس امین الدین عدنان حیدر رندھاوا وفاقی آئینی عدالت.
ذریعہ
ذریعہ: WE News
کلیدی لفظ: چیف جسٹس امین الدین عدنان حیدر رندھاوا وفاقی آئینی عدالت عدنان حیدر رندھاوا عدالت میں سپر ٹیکس ماہ کا
پڑھیں:
محسن نقوی کی مستونگ کے قریب سیشن جج اور جوڈیشل مجسٹریٹ پر فائرنگ کی پرزور مذمت
سٹی 42 : وفاقی وزیرداخلہ محسن نقوی کی جانب سے مستونگ کے قریب سیشن جج عبدالحکیم کاکڑ اور جوڈیشل مجسٹریٹ طارق لاشاری پر فائرنگ کی پرزور مذمت کی گئی ہے۔
وزیرداخلہ محسن نقوی نے سیشن جج عبدالحکیم اور گن مین کے جاں بحق ہونے کے واقعہ پر اظہار افسوس کیا۔ محسن نقوی نے سوگوار خاندانوں سے دلی ہمدردی و تعزیت کا اظہار کیا۔
وفاقی وزیرداخلہ محسن نقوی کی جانب سے مرحومین کی بلندی درجات کیلئے دعا، وزیرداخلہ محسن نقوی نے زخمی جوڈیشل مجسٹریٹ طارق لاشاری اور دیگر افراد کی جلد صحت یابی کی دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محسن نقوی نے کہا کہ ایسی بزدلانہ کارروائیاں قوم کے پختہ عزم کو پست نہیں کر سکتیں۔ انہوں نے کہا کہ شہداء کے خاندانوں کے ساتھ کھڑے ہیں اور ہمیشہ ساتھ رہیں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار