مہندی سے ولیمہ تک: وزیراعلیٰ پنجاب مریم نواز نے جوڑوں پر کتنے لاکھ خرچ کیے؟ قیمتیں حیران کن
اشاعت کی تاریخ: 19th, January 2026 GMT
وزیراعلیٰ پنجاب مریم نواز اپنے صاحبزادے جنید صفدر کی شادی کے موقع پر اپنی شاندار تیاری اور دیدہ زیب لباس کے باعث مرکزِ نگاہ بن گئیں۔ مہندی سے لے کر ولیمہ تک ہر تقریب میں ان کے لباس کی قیمت لاکھوں روپے میں تھی۔
مریم نواز نے بیٹے کی شادی کی تقریب میں مشہور پاکستانی ڈیزائنرز نومی انصاری اور اقبال حسین کے ڈیزائن کردہ لباس پہنے جن کی قیمتیں 13 لاکھ سے 17 لاکھ 70 ہزار روپے تک تھیں جبکہ ویلنٹینو کا منی بیگ تقریباً 9 لاکھ روپے کا تھا جس نے ان کے لک کو مزید پرکشش بنایا۔
یہ بھی پڑھیں: بیٹے کی شادی پر مریم نواز مرکز نگاہ، پیپلز پارٹی کی خواتین بھی معترف
مہندی کی تقریب کے لیے مریم نواز نے نومی انصاری کا ڈیزائن کردہ پیلے رنگ کا خوبصورت لہنگا منتخب کیا جس پر باریک گوٹا، کامدار کڑھائی اور نفیس نقش و نگار نمایاں تھے۔ اس لباس کی قیمت 17 لاکھ 70 ہزار روپے بتائی گئی ہے۔
بارات کی تقریب کے لیے انہوں نے ڈیزائنر اقبال حسین کا اولیو گرین ٹشو سلک کا پریمیم برائیڈل لباس پہنا، جس پر سلور زردوزی اور نفیس دھاگا ورک کیا گیا۔ پولکی اور کندن جیولری نے ان کے لک کو مزید دلکش بنایا۔ اس لباس کی قیمت 13 لاکھ 5 ہزار روپے ہے اور ساتھ میں انہوں نے ویلنٹینو کا منی بیگ بھی لیا جس کی قیمت تقریباً 9 لاکھ روپے بتائی جاتی ہے۔
یہ بھی پڑھیں: جنید صفدر کی شادی میں مریم اورنگزیب کی حیران کن ٹرانسفارمیشن نے سب کو حیران کردیا
جبکہ ولیمے کے موقع پر بھی مریم نواز نے نومی انصاری کے ڈیزائن کا شاندار لباس پہنا جس کی قیمت 17 لاکھ 70 ہزار روپے تھی۔
یہ تقریب نہ صرف رشتوں کی خوشیوں کا مرکز رہی بلکہ ملبوسات اور فیشن کی دنیا میں بھی سب کی نظروں کا مرکز بنی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقبال حسین جنید صفدر شادی مریم نواز مریم نواز ڈریس مریم نواز ملبوسات کی قیمتیں نومی انصاری.
ذریعہ
ذریعہ: WE News
کلیدی لفظ: اقبال حسین مریم نواز مریم نواز ڈریس مریم نواز ملبوسات کی قیمتیں مریم نواز نے ہزار روپے کی شادی کی قیمت
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی