پنجاب میں موسم سرما کی چھٹیوں کے بعد تعلیمی ادارے کھل گئے
اشاعت کی تاریخ: 19th, January 2026 GMT
فائل فوٹو
موسم سرما کی چھٹیوں کے بعد پنجاب بھر میں تعلیمی ادارے کھل گئے۔
راولپنڈی میں تعلیمی اداروں کا وقت تبدیل کردیا گیا، اسکول 8 بجکر 45 منٹ پر کھلیں گے۔
وزیر تعلیم پنجاب رانا سکندر حیات کا کہنا ہے کہ پنجاب کے اسکول اب 12 جنوری کے بجائے 19 جنوری کو کھلیں گے۔
حکام کے مطابق طلبہ و طالبات کے یونیفارم کی پابندی میں عارضی نرمی کی گئی ہے۔
سردی کے باعث طلبہ و طالبات کو کسی بھی رنگ کے سویٹر، کوٹ، جیکٹس، ٹوپیاں اور موزے پہن کر آنے کی اجازت ہوگی۔
واضح رہے کہ پنجاب کے تمام اسکول 12 جنوری کو کھلنے تھے لیکن شدید سردی کے باعث چھٹیوں میں توسیع کی گئی تھی۔
.
ذریعہ
ذریعہ: Jang News
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ