ڈاکٹروں کی مبینہ طبی غفلت، بزرگ مریض کو غلط دوا دینے کی ویڈیو وائرل
اشاعت کی تاریخ: 19th, January 2026 GMT
کراچی کے ایک اسپتال میں مبینہ طبی غفلت کی ویڈیو سوشل میڈیا پر وائرل ہو گئی، جس میں ایک خاتون نے دعویٰ کیا ہے کہ ان کے بزرگ والد کو اسپتال کے عملے کی جانب سے غلط دوا دی گئی۔ ویڈیو میں خاتون کا کہنا ہے کہ دوا پر درج نام اورعمر ان کے والد سے مطابقت نہیں رکھتے جبکہ وہ دوا ایسی بیماری کے لیے تھی جس میں ان کے والد مبتلا ہی نہیں۔
یہ بھی پڑھیں: 3 ماہ میں 20 کلو وزن کیسے کم کیا جا سکتا ہے؟
وائرل ویڈیو میں خاتون نے بتایا کہ جب انہوں نے اسپتال کے عملے سے دوا کے بارے میں استفسار کیا تو عملے نے بتایا کہ یہ تھائیرائیڈ کی دوا ہے۔ خاتون کے مطابق ان کے والد کو تھائیرائیڈ کی کوئی بیماری نہیں ہے۔ ان کا کہنا تھا کہ اس کے باوجود عملے نے غیر ذمہ دارانہ رویہ اختیار کرتے ہوئے کہا کہ انہیں اس بارے میں کچھ معلوم نہیں۔
کراچی کی بہادر بیٹی جس نے والد کو غلط دوائی دینے پر ہسپتال انتظامیہ کو خوب سنائی۔ pic.
— صحرانورد (@Aadiiroy2) January 17, 2026
خاتون نے ویڈیو میں شدید برہمی کا اظہار کرتے ہوئے کہا کہ ان کے والد بزرگ ہیں، اس کا یہ مطلب نہیں کہ ان کے ساتھ اس طرح کی لاپرواہی برتی جائے۔ ان کے مطابق یہ معاملہ کسی غلط فہمی کا نہیں بلکہ واضح ثبوت کے ساتھ سامنے آیا ہے۔
ویڈیو وائرل ہونے کے بعد سوشل میڈیا صارفین کی جانب سے اسپتال انتظامیہ اور طبی عملے پر شدید تنقید کی جا رہی ہے۔ صارفین کا کہنا ہے کہ مریضوں اور ان کے لواحقین کا اپنے حقوق کے لیے آواز اٹھانا خوش آئند ہے۔
یہ بھی پڑھیں: سر درد کے علاج کا بھیانک انجام، خوفناک تجربے نے خاتون کی زندگی داؤ پر لگا دی
ایک صارف نے تبصرہ کرتے ہوئے کہا کہ میڈیکل ڈاکٹرز اور عملے کی نااہلی، فرائض میں غفلت اور مریضوں یا ان کے ورثا کے ساتھ ناروا سلوک جیسے سنگین مسائل کو روکنے کے لیے سخت قانون سازی ناگزیر ہے۔ ان کا کہنا تھا کہ مجرم ڈاکٹرز کو جوابدہ بنانے اور عوام کی جان و مال کے تحفظ کے لیے مؤثر اقدامات کیے جانے چاہئیں۔
کئی دیگر صارفین نے مطالبہ کیا ہے کہ اسپتال انتظامیہ اس واقعے کا نوٹس لے اور ذمہ دار افراد کے خلاف فوری کارروائی کی جائے تاکہ آئندہ اس طرح کے واقعات کی روک تھام ممکن ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپتال مریض کو غلط دوا ویڈیو وائرل
ذریعہ
ذریعہ: WE News
کلیدی لفظ: اسپتال مریض کو غلط دوا ویڈیو وائرل
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار