موبائل گیم کھیلنے سے منع کرنے پر بچے نے والد کو گولی مار کر قتل کر دیا
اشاعت کی تاریخ: 19th, January 2026 GMT
امریکی ریاست پنسلوانیا میں ایک افسوسناک واقعے میں 11 سالہ بچے نے مبینہ طور پر موبائل گیم کھیلنے سے منع کرنے پر اپنے والد کو گولی مار کر قتل کر دیا۔
پولیس کے مطابق 42 سالہ ڈگلس ڈیٹس اپنے گھر میں مردہ حالت میں پائے گئے، جن کے سر پر گولی لگنے کا زخم موجود تھا۔
ابتدائی تحقیقات کے بعد پولیس نے مقتول کے 11 سالہ بیٹے کلیٹن کو گرفتار کر کے اس کے خلاف قتل کا مقدمہ درج کر لیا ہے۔ غیر ملکی میڈیا رپورٹس کے مطابق مقتول کا کمرہ بچے کے کمرے کے ساتھ ہی واقع تھا اور فائرنگ کا واقعہ رات کے وقت پیش آیا۔
پولیس کا کہنا ہے کہ یہ واقعہ بچے کی سالگرہ کے روز پیش آیا۔ چند گھنٹے قبل ہی گھر میں سالگرہ کا کیک کاٹا گیا تھا اور والدین نے بچے کے لیے ہیپی برتھ ڈے گایا تھا۔
مقتول کی اہلیہ نے پولیس کو بتایا کہ وہ ایک زور دار آواز سے جاگیں اور انہیں جلنے یا آتش بازی جیسی بو محسوس ہوئی۔ شوہر کو جگانے کی کوشش کی گئی مگر وہ بے ہوش تھے۔
خاتون کے مطابق ابتدا میں انہیں کسی مائع کے ٹپکنے کی آواز سنائی دی، تاہم روشنی جلانے پر معلوم ہوا کہ وہ پانی نہیں بلکہ شوہر کا خون تھا۔ اسی دوران کلیٹن کمرے میں داخل ہوا اور چیخ کر کہا کہ “ڈیڈی مر گئے ہیں، میں نے ڈیڈی کو مار دیا ہے”۔
پولیس دستاویزات کے مطابق بچے نے دورانِ تفتیش اعتراف کیا کہ وہ شدید غصے میں تھا کیونکہ اس کے والد نے اسے سونے کے لیے کہا اور موبائل گیم چھین لی تھی۔
بچے نے بتایا کہ اسے والد کی دراز کی چابی مل گئی تھی، جس سے اس نے الماری میں موجود سیف کھولا، پستول نکالی، اس میں گولیاں ڈالیں اور والد کے بستر کے قریب جا کر فائر کر دیا۔
پولیس کے مطابق بچے کی والدہ کو گھر میں اسلحہ موجود ہونے کا علم تھا، تاہم انہیں یہ معلوم نہیں تھا کہ اسلحہ کی دراز کی چابی کہاں رکھی گئی ہے۔ واقعے کی مزید تحقیقات جاری ہیں۔
.
ذریعہ
ذریعہ: Express News
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ