ہولی فیملی اسپتال: پارکنگ میں معمولی تنازع، سکیورٹی گارڈ کے مبینہ تشدد سے نوجوان جاں بحق
اشاعت کی تاریخ: 19th, January 2026 GMT
راولپنڈی کے ہولی فیملی اسپتال میں سکیورٹی گارڈ کے مبینہ تشدد کے نتیجے میں ایک نوجوان جاں بحق ہو گیا۔ افسوسناک واقعہ اسپتال کی پارکنگ میں پیش آیا، جہاں معمولی تنازع نے سنگین صورت اختیار کرلی۔
والدہ کو چیک اپ کے لیے اسپتال لایا تھاپولیس کے مطابق جاں بحق نوجوان کی شناخت محمد وقار کے نام سے ہوئی ہے، جو اپنی والدہ کو میڈیکل چیک اپ کے لیے ہولی فیملی اسپتال لایا تھا۔ چیک اپ کے بعد واپسی کے دوران اسپتال کی پارکنگ میں سکیورٹی گارڈ سے اس کا تنازع ہوگیا۔
سکیورٹی گارڈ پر تشدد کا الزامایف آئی آر کے مطابق تنازع کے دوران سکیورٹی گارڈ نے محمد وقار پر مبینہ طور پر مکے اور لاتیں برسائیں۔ شدید تشدد کے باعث نوجوان کی طبیعت بگڑ گئی اور اسے دل کا دورہ پڑا، جس کے نتیجے میں وہ موقع پر ہی جاں بحق ہوگیا۔
پولیس کا کہنا ہے کہ یہ افسوسناک واقعہ دو روز قبل ہولی فیملی اسپتال کی پارکنگ میں پیش آیا تھا، جس کی اطلاع ملنے پر کارروائی عمل میں لائی گئی۔
پولیس نے واقعے کا مقدمہ تھانہ نیو ٹاؤن میں درج کرلیا ہے اور نامزد سکیورٹی گارڈ کو گرفتار بھی کر لیا گیا ہے۔ پولیس کے مطابق واقعے کی مزید تفتیش جاری ہے اور تمام پہلوؤں کا جائزہ لیا جا رہا ہے۔
اسپتالوں میں سکیورٹی انتظامات پر سوالاتواقعے کے بعد سرکاری اسپتالوں میں سکیورٹی اہلکاروں کے رویے اور تربیت پر سوالات اٹھنے لگے ہیں۔ شہریوں نے مطالبہ کیا ہے کہ ایسے واقعات کی روک تھام کے لیے مؤثر اقدامات کیے جائیں تاکہ اسپتال جیسے حساس مقامات پر عوام خود کو محفوظ محسوس کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ہولی فیملی اسپتال راولپنڈی.
ذریعہ
ذریعہ: WE News
کلیدی لفظ: ہولی فیملی اسپتال راولپنڈی ہولی فیملی اسپتال سکیورٹی گارڈ میں سکیورٹی پارکنگ میں کے لیے
پڑھیں:
میرب علی سرجری کے بعد اسپتال منتقل، مداحوں سے صحت یابی کی دعاؤں کی اپیل
پاکستانی شوبز انڈسٹری کی معروف اداکارہ اور ماڈل میرب علی نے حال ہی میں اپنی صحت سے متعلق ایک اہم انکشاف کرتے ہوئے بتایا ہے کہ انہیں انگلی کے مسئلے کے باعث سرجری کروانا پڑی، جس کے بعد وہ اسپتال میں زیرِ علاج رہیں۔
میرب علی نے سوشل میڈیا پر مداحوں کو اپنی طبی صورتحال سے آگاہ کیا۔ اداکارہ کے مطابق ان کی ایک انگلی میں حرکت محدود ہو گئی تھی اور وہ بار بار لاک ہو جاتی تھی، جس کے باعث روزمرہ امور انجام دینا مشکل ہو رہا تھا۔
انہوں نے بتایا کہ ابتدائی طور پر ماہر امراضِ جوڑ (رہیومیٹولوجسٹ) اور نیورولوجسٹ نے انہیں صحت مند قرار دیا تھا، تاہم بعد ازاں آرتھوپیڈک سرجن نے مکمل معائنے کے بعد سرجری تجویز کی۔
میرب علی کے مطابق انہیں توقع تھی کہ یہ ایک معمولی اور مختصر نوعیت کا آپریشن ہوگا، لیکن سرجری ان کی توقع سے کہیں زیادہ پیچیدہ اور وقت طلب ثابت ہوئی۔ یہ آپریشن کراچی کے آغا خان یونیورسٹی اسپتال میں انجام دیا گیا، جہاں انہوں نے علاج کے دوران اپنی ایک ویڈیو بھی مداحوں کے ساتھ شیئر کی۔
View this post on Instagramاداکارہ نے بتایا کہ سرجری کے بعد اب وہ بتدریج صحت یاب ہو رہی ہیں، جبکہ ان کے دوستوں، ساتھی فنکاروں اور مداحوں کی جانب سے نیک خواہشات اور دعاؤں کا سلسلہ جاری ہے۔
شوبز شخصیات میں مایا خان، درفشاں سلیم، ثناء فہد اور رابعہ کلثوم سمیت متعدد فنکاروں نے میرب علی کی جلد صحت یابی کے لیے دعا کی۔ سوشل میڈیا صارفین نے بھی اداکارہ کو آرام کرنے اور موبائل فون کے زیادہ استعمال سے گریز کرنے کا مشورہ دیا تاکہ انگلی پر مزید دباؤ نہ پڑے۔
بعض مداحوں کا کہنا تھا کہ اس نوعیت کی طبی شکایت بعض اوقات کھیلوں یا ہاتھوں کے مسلسل استعمال کے باعث بھی پیدا ہو سکتی ہے۔ اداکارہ کی جانب سے صحت سے متعلق یہ انکشاف سامنے آنے کے بعد مداح ان کی جلد مکمل صحت یابی کے لیے نیک تمناؤں کا اظہار کر رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ