گرین لینڈ کی سیکیورٹی اب امریکا کے زیر انتظام ہوگی: امریکی صدر ٹرمپ
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
امریکہ نے گرین لینڈ کی سیکیورٹی کے معاملات میں براہِ راست مداخلت کا اعلان کر کے عالمی سطح پر ہلچل مچا دی ہے۔
سماجی رابطے کی ویب سائٹ ایکس (سابقہ ٹوئٹر) پر جاری اپنے بیان میں امریکی صدر ڈونلڈ ٹرمپ نے کہا کہ گرین لینڈ کی حفاظت اب امریکہ کے دائرہ اختیار میں آئے گی اور اس اقدام کا مقصد روس کے بڑھتے ہوئے خطرات کا مؤثر جواب دینا ہے۔
ان کا کہنا تھا کہ نیٹو برسوں سے ڈنمارک کو خبردار کرتا رہا کہ روسی خطرات پر توجہ دی جائے، لیکن ڈنمارک کی طرف سے مناسب اقدامات نہ ہونے کی وجہ سے امریکہ اب خود یہ ذمہ داری سنبھالے گا۔
صدر ٹرمپ کے اس بیان کے بعد یورپ میں تشویش کی لہر دوڑ گئی، برسلز میں یورپی یونین کے سفارتکاروں کا ہنگامی اجلاس طلب کیا گیا، جس میں یورپی کمیشن کی صدر نے برطانیہ، فرانس، جرمنی اور دیگر اہم ممالک کے سربراہان سے فوری رابطے کیے۔
اجلاس کے بعد یورپی ممالک نے گرین لینڈ کی خودمختاری کے تحفظ اور روسی خطرات کے پیش نظر مشترکہ حکمت عملی اپنانے پر اتفاق کیا۔
ادھر امریکی صدر کے یورپی ممالک پر ممکنہ ٹیرف عائد کرنے کے اعلان نے عالمی مالیاتی منڈیوں میں بھی غیر یقینی صورتحال پیدا کر دی۔
یورپی اور بین الاقوامی اسٹاک مارکیٹس میں مندی دیکھنے میں آئی، جبکہ سونے اور چاندی کی قیمتیں تاریخی بلند ترین سطح پر پہنچ گئیں۔ اقتصادی ماہرین نے خبردار کیا ہے کہ اس صورتحال سے نہ صرف یورپی بلکہ عالمی معیشت پر بھی نمایاں اثرات مرتب ہو سکتے ہیں۔
سفارتی حلقوں کا کہنا ہے کہ گرین لینڈ کی سیکیورٹی کے حوالے سے امریکہ کا یہ قدم عالمی طاقتوں کے درمیان تعلقات میں نئے تنازعات کو جنم دے سکتا ہے، اور مستقبل قریب میں بین الاقوامی سطح پر اس معاملے پر مزید سنجیدہ مذاکرات متوقع ہیں۔
ذریعہ
ذریعہ: Jasarat News
کلیدی لفظ: گرین لینڈ کی کی صدر
پڑھیں:
عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔ اسلام ٹائمز۔ ایران پر امریکی جارحیت کے بعد عالمی توانائی منڈی میں خام تیل کی قیمتوں میں نمایاں اضافہ ریکارڈ کیا گیا، جبکہ برطانوی خام تیل 100 ڈالر فی بیرل کی سطح عبور کر گیا۔ تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔
دوسری جانب متحدہ عرب امارات کا مربن خام تیل 108 ڈالر فی بیرل میں فروخت ہونے لگا ہے، جو عالمی منڈی میں توانائی کی بڑھتی ہوئی بے یقینی کی عکاسی کرتا ہے۔ادھر قدرتی گیس کی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے، جس سے عالمی توانائی مارکیٹ میں کشیدگی کے اثرات مزید نمایاں ہو رہے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار