واٹس ایپ پروفائلز کو مزید منفرد بنانے کے لیے ‘کور فوٹو’ فیچر شامل کرنے کا اعلان
اشاعت کی تاریخ: 19th, January 2026 GMT
واٹس ایپ جلد ہی ایک نئے فیچر پر کام کر رہا ہے جس کے ذریعے صارفین اپنی پروفائلز کے لیے کور فوٹو منتخب کر سکیں گے۔
یہ بھی پڑھیں: واٹس ایپ نے اینڈرائیڈ بیٹا اپ ڈیٹ میں اسٹیٹس پرائیویسی انفارمیشن فیچر متعارف کرادیا
ڈبلیو اے بیٹا انفو کے مطابق میٹا کے زیر ملکیت اس پلیٹ فارم پر اس فیچر کی جانچ کی جا رہی ہے جس سے صارفین اپنی پروفائلز کو وسیع فوٹو کے ذریعے شخصی رنگ دے سکیں گے۔
صارفین اسے ایپ کی سیٹنگز سے آسانی سے سیٹ کر سکیں گے اور کسی بھی وقت کور فوٹو کو تبدیل، حرکت یا ہٹا سکتے ہیں اور اس سے پروفائل فوٹو یا دیگر اکاؤنٹ تفصیلات پر کوئی اثر بھی نہیں پڑے گا۔
واٹس ایپ اس کے ساتھ ساتھ پرائیویسی سیٹنگز بھی شامل کرنے کا ارادہ رکھتا ہے تاکہ صارفین فیصلہ کر سکیں کہ کون ان کا کور فوٹو دیکھ سکتا ہے۔ یہ فیچر موجودہ پرائیویسی کنٹرولز کی طرح کام کرے گا جو ’لاسٹ سین‘، ’پروفائل فوٹو‘ یا ’اباؤٹ‘ کے لیے ہیں۔
مزید پڑھیے: واٹس ایپ نے ممبر ٹیگز، ٹیکسٹ اسٹیکرز اور ایونٹ ریمائنڈرز فیچرز متعارف کرا دیے
اگرچہ یہ فیچر ابھی ڈیولپمںٹ کے مراحل میں ہے لیکن مستقبل کے اپڈیٹس میں تمام آئی او ایس صارفین کے لیے دستیاب ہو جائے گا۔
اس کے علاوہ، واٹس ایپ ایک اور فیچر پر بھی کام کر رہا ہے تاکہ یوزرنیمز زیادہ پرائیویٹ ہو جائیں۔ عام طور پر اگر کوئی ’یوزر نیم‘ منتخب کرے تو ہر کوئی اسے گلوبل سرچ کے ذریعے ڈھونڈ سکتا ہے اور رابطہ کر سکتا ہے۔
مزید پڑھیں: واٹس ایپ کو مینول اپ ڈیٹ کرنے کا درست طریقہ کیا ہے؟
نئے فیچر کے تحت، کوئی شخص آپ کو پیغام بھیجنے یا کال کرنے سے پہلے خاص کوڈ داخل کرے گا جو آپ کے ’یوزر نیم‘ سے منسلک ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
واٹس ایپ واٹس ایپ کور فوٹو فیچر واٹس ایپ نیا فیچر.
ذریعہ
ذریعہ: WE News
کلیدی لفظ: واٹس ایپ واٹس ایپ نیا فیچر واٹس ایپ کور فوٹو کے لیے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا