تاجکستان اور افغانستان سرحدی علاقے میں سکیورٹی الرٹ، چینی شہریوں کو انخلا کی ہدایت
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
تاجکستان اور افغانستان کے سرحدی علاقے میں بدستور کشیدہ سکیورٹی صورتحال کے پیش نظر تاجکستان میں چینی سفارت خانے نے ایک بار پھر اپنے شہریوں کو انخلا کی ہدایت کر دی ہے۔
عالمی میڈیا رپورٹس کے مطابق سفارت خانے نے پیر کو سکیورٹی الرٹ جاری کرتے ہوئے کہا کہ سرحدی علاقے میں حالات نازک ہیں اور شہریوں کو محتاط رہنے کی ضرورت ہے۔
سفارت خانے کے مطابق افغانستان کے صوبہ بدخشاں سے چار مسلح افغان افراد غیر قانونی طور پر تاجکستان کے علاقے خاتلون میں داخل ہوئے، جنہیں تاجک سرحدی فورسز نے ہلاک کر دیا۔ اس پیش رفت کے بعد چینی کمپنیوں اور شہریوں کو ہدایت دی گئی ہے کہ وہ سرحدی علاقوں کی سکیورٹی پر گہری نظر رکھیں، حفاظتی اقدامات مضبوط کریں اور جلد از جلد علاقے سے انخلا کریں۔
چینی شہریوں کو خاص طور پر تاجکستان اور افغانستان کی سرحدی علاقوں کا سفر کرنے سے اجتناب کرنے کی ہدایت کی گئی ہے۔
یاد رہے کہ 26 نومبر 2025 کو تاجکستان کے خاتلون ضلع شمس الدین شوہین میں ایک حملے میں تین چینی شہری ہلاک اور ایک زخمی ہوا تھا جبکہ 30 نومبر کو اسی علاقے میں ایک اور مسلح حملے میں چینی شہریوں کو جانی نقصان پہنچا تھا، جس کے بعد چینی سفارت خانے نے سکیورٹی الرٹ جاری کیا تھا۔
سفارت خانے نے اس مرتبہ بھی شہریوں کو محتاط رہنے اور سرحدی علاقوں سے فوری انخلا کی ہدایت کی ہے تاکہ مزید جانی نقصان سے بچا جا سکے۔
ذریعہ
ذریعہ: Jasarat News
کلیدی لفظ: سفارت خانے نے شہریوں کو علاقے میں کی ہدایت
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی