پاکستان فلسطینی حقوق کے تحفظ میں کلیدی کردار ادا کرے گا، وزیر دفاع
اشاعت کی تاریخ: 19th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد :وزیر دفاع خواجہ آصف نے کہا ہے کہ غزہ پیس بورڈ میں پاکستان کی شمولیت کی دعوت ایک مثبت قدم ہے اور اللہ تعالیٰ کی طرف سے ملک کے لیے ایک سنہری موقع فراہم کیا جا رہا ہے، امریکی صدر ڈونلڈ ٹرمپ کی طرف سے وزیراعظم شہباز شریف کو غزہ پیس بورڈ میں شامل ہونے کی دعوت خوش آئند ہے۔
میڈیا سے گفتگو کرتے ہوئے خواجہ آصف نے کہا کہ غزہ کے مستقبل کے لیے جو بھی روڈ میپ تیار کیا جائے گا، پاکستان اس میں کلیدی کردار ادا کر سکتا ہے، فلسطینی ریاست کے دو ریاستی حل پر پوری دنیا متفق ہے اور یہ پاکستان کے لیے ایک موقع ہے کہ وہ فلسطینی بھائیوں کی آزادی، حقوق اور نجات کے لیے آواز بلند کرے۔ وزیر اعظم پاکستان اس معاملے میں بھرپور کردار ادا کریں گے۔
فوج بھیجنے کے امکان کے بارے میں سوال پر وزیر دفاع نے کہا کہ اس معاملے پر ابھی کوئی تبصرہ نہیں کریں گے، ایران ہمارا ہمسایہ اور بھائی ہے، اور پاکستان کی حمایت اس بات کے لیے ہے کہ ایران محفوظ رہے۔ انہوں نے اسرائیل کو ایک ملک قرار دیا جس سے سب کو خطرہ ہے۔
پاک-سعودی دفاعی معاہدے کے حوالے سے خواجہ آصف نے کہا کہ پاکستان اور سعودی عرب کسی بھی اضافی ملک کی شمولیت کا فیصلہ مشترکہ طور پر کریں گے۔ اس معاہدے میں ترکی یا کوئی اور ملک بھی شامل ہو سکتا ہے اور اسلامی ممالک کو اپنا دفاع مضبوط کرنے کے لیے ایک وسیع دفاعی معاہدہ تشکیل دینا چاہیے۔
واضح رہے کہ گزشتہ روز امریکی صدر ڈونلڈ ٹرمپ نے وزیراعظم پاکستان شہباز شریف کو غزہ کے لیے بورڈ آف پیس میں شمولیت کی دعوت دی تھی، جسے وزیر دفاع نے پاکستان کے لیے ایک اہم موقع قرار دیا ہے۔
ذریعہ
ذریعہ: Jasarat News
کلیدی لفظ: کے لیے ایک وزیر دفاع نے کہا
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار