حیدرآباد،بلدیاتی ملازمین کا پنشن کی عدم ادائیگی کیخلاف احتجاج
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)محکمہ بلدیات کے ریٹائر ملازمین نے تین ماہ سے پنشن اور واجبات کی عدم ادائیگی کے خلاف حیدرآباد پریس کلب کے سامنے اکبر بروہی، معشوق چانگ اور دیگر کی قیادت میں احتجاجی مظاہرہ کیا گیا۔ مظاہرے کے دوران ایک بزرگ ریٹائر ملازم بے ہوش ہو گیا، جس پر موقع پر موجود افراد نے شدید تشویش کا اظہار کیا۔ اس موقع پر مظاہرین کا کہنا تھا کہ محکمہ بلدیات حیدرآباد سے منسلک سابق ڈسٹرکٹ کونسل، میونسپل کمیٹی ٹنڈو جام اور دیگر میونسپل کمیٹیوں کے مجموعی طور پر 745ریٹائر مرد و خواتین ملازمین گزشتہ تین ماہ سے پنشن سے محروم ہیں۔ پنشن کی عدم ادائیگی کے باعث بیمار اور ضعیف ریٹائر ملازمین اپناعلاج معالجہ کرانے سے بھی قاصر ہیں جبکہ ان کے گھریلو حالات بھی شدید متاثر ہو چکے ہیں۔انہوں نے کہا کہ پنشن کی بندش کے خلاف متعلقہ حکام کو متعدد درخواستیں دی جا چکی ہیں، تاہم تاحال کوئی شنوائی نہیں ہو رہی۔ مظاہرین کا کہنا تھا کہ ریٹائر ملازمین کی پنشن روکنا ادارے کی خدمت کرنے والوں کے ساتھ صریح ناانصافی اور ظلم ہے۔ مظاہرے سے خطاب کرتے ہوئے رہنمائوں نے پاکستان پیپلز پارٹی کے چیئرمین بلاول زرداری، وزیر اعلیٰ سندھ سید مراد علی شاہ اور صوبائی وزیر بلدیات سے اپیل کی کہ وہ محکمہ بلدیات حیدرآباد کے ریٹائر ملازمین کے سنگین مسائل کا فوری نوٹس لیتے ہوئے پنشن کی ادائیگی کو یقینی بناکر معاشی پریشانی سے نجات دلائی جائے۔
ذریعہ
ذریعہ: Jasarat News
کلیدی لفظ: ریٹائر ملازمین پنشن کی
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے