فرائض کی انجام دہی میں مزید بہتری لائی جائے‘آزاد خان
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر) ایڈیشنل انسپکٹر جنرل آف پولیس کراچی آزاد خان نے ڈی آئی جی ایسٹ آفس کا اہم دورہ کیا۔ اس دورے کا مقصد ایسٹ زون میں امن و امان کی صورتحال، جرائم کی روک تھام کے لیے کیے گئے اقدامات اور پولیس کی مجموعی کارکردگی کا معائنہ کرنا تھا۔ ڈی آئی جی ایسٹ ڈاکٹر فرخ لنجار نے ایڈیشنل آئی جی کراچی کا استقبال کیا اور انہیں ایسٹ زون میں جرائم کی موجودہ نوعیت، اسٹریٹ کرائم کے خلاف جاری مہم اور پولیس کی اب تک کی کارکردگی سے متعلق تفصیلی بریفنگ دی۔ بریفنگ کے دوران جدید ٹیکنالوجی کے استعمال اور انٹیلی جنس بیسڈ آپریشنز پر بھی تبادلہ خیال کیا گیا۔ اجلاس میں ایسٹ زون کے تمام ضلعی ایس ایس پیز‘ ایس پی انوسٹی گیشن اور دیگر سینئر پولیس افسران نے شرکت کی۔ تمام افسران نے اپنے اپنے حلقہ اختیار میں جاری کارروائیوں اور چیلنجز سے ایڈیشنل آئی جی کو آگاہ کیا۔ ایڈیشنل آئی جی کراچی آزاد خان نے ایسٹ زون کی مجموعی کارکردگی کا تفصیلی جائزہ لینے کے بعد اطمینان کا اظہار کیا اور افسران کو ہدایات جاری کیں کہ فرائض کی انجام دہی میں مزید بہتری لائی جائے اور عوام کے تحفظ کو بہر صورت یقینی بنایا جائے۔ جرائم پیشہ عناصر کے خلاف بلاامتیاز کارروائیاں تیز کی جائیں۔ تھانہ کلچر میں بہتری اور شہریوں کی شکایات کا فوری ازالہ پولیس کی اولین ترجیح ہونی چاہیے۔
ذریعہ
ذریعہ: Jasarat News
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار