آئینی عدالت میں اب تک صرف دو پٹیشنز آنا اعتماد کے فقدان کا ثبوت ہے، اسد قیصر
اشاعت کی تاریخ: 20th, January 2026 GMT
قومی اسمبلی کے سابق اسپیکر اسد قیصر نےعدالتوں میں انصاف کے فقدان اورعوامی حقوق پر بڑھتے ہوئے دباؤ پر شدید تشویش کا اظہارکیا ہے،انہوں نے سوال اٹھایا کہ “ہماری جائز پٹیشنز نہیں سنی جاتیں، تو ہم کہاں جائیں؟ کیا ہمیں یو این یا انٹرنیشنل کورٹ آف جسٹس جانا پڑے گا؟”
اسد قیصر نےمیڈیا سے گفتگو میں کہا کہ ملک میں عوام کے بنیادی اور جمہوری حقوق متاثر ہو رہے ہیں اور عدالتوں پر اعتماد ختم ہونے سے ملک کا نظام چلنا ممکن نہیں،آئینی عدالت میں صرف دو پٹیشنز پیش ہونا اعتماد کے فقدان کا ثبوت ہےاتنی بڑی عدالتی عمارتیں ہوں مگر انصاف نہ ہو تو بے معنی ہیں۔
سابق اسپیکر نےعوام کو 8 فروری کو پرامن احتجاج کی کال دی اورکہا کہ یہ احتجاج بانی کے لیے نہیں بلکہ عوام کے حق کے لیے ہے،دنیا کو دکھائیں گے کہ یہاں جمہوریت نہیں رہی، جمہوریت عوام کی آزادیوں سے مشروط ہوتی ہے۔
اسدقیصر نےوکلا برادری سے انصاف کے لیے کھڑے ہونےکی اپیل کرتے ہوئےکہا کہ عدالتوں پردباؤ ڈالا جا رہا ہے،اسلام آباد ہائیکورٹ کی مثال سب کے سامنے ہے،ہم اپنے بنیادی حقوق کی جنگ انشاءاللہ جیتیں گے۔
.
ذریعہ
ذریعہ: Daily Mumtaz
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار