آئی فون 18 پرو: کیا روایتی فرنٹ ڈسپلے تبدیل کیا جا رہا ہے؟
اشاعت کی تاریخ: 20th, January 2026 GMT
ایپل کے آئندہ فلیگ شپ اسمارٹ فون آئی فون 18 پرو کی ریلیز سے قبل اس کے ڈیزائن سے متعلق نئی لیکس سامنے آ گئیں۔
یہ بھی پڑھیں: فولڈ ہوجانے والا آئی فون سال رواں میں لانچ ہوگا، ایپل کمپنی کہاں تانک جھانک کر رہی ہے؟
ان لیکس کے مطابق کمپنی فرنٹ اسکرین کے ڈیزائن میں نمایاں تبدیلی کرنے جا رہی ہے۔
حالیہ رپورٹس کے مطابق کیوپرٹینو میں قائم ٹیکنالوجی کمپنی ایپل اپنے اگلے بڑے آئی فون ری ڈیزائن کا آغاز ایک سادہ مگر اہم تبدیلی سے کر سکتی ہے جس کا مرکز ڈائنامک آئی لینڈ اور سیلفی کیمرے کی جگہ ہوگی۔
اطلاعات کے مطابق آئی فون 18 پرو میں اسکرین کے اوپری بائیں کونے میں ایک چھوٹا سا پنچ ہول کٹ آؤٹ دیا جا سکتا ہے جو ایپل کے سابقہ ڈیزائن سے ایک واضح انحراف ہوگا۔
ٹیک ویب سائٹ دی انفارمیشن کے مطابق ایپل کمپنی آئی فون 18 پرو ماڈلز میں انڈر ڈسپلے فیس آئی ڈی متعارف کرانے کا ارادہ رکھتی ہے جس کے تحت ٹرو ڈیپتھ سینسرز کو اسکرین کے نیچے منتقل کر دیا جائے گا۔
مزید پڑھیے: نئے اورنج آئی فون گرگٹ کی طرح رنگ کیوں بدل رہے ہیں؟
اس تبدیلی کے بعد موجودہ ڈائنامک آئی لینڈ میں استعمال ہونے والے گولی نما کٹ آؤٹ کی ضرورت کم ہو جائے گی اور صرف فرنٹ کیمرہ نمایاں رہے گا جبکہ فیس آئی ڈی اسکرین کے نیچے کام کرے گا۔
رپورٹس میں مزید بتایا گیا ہے کہ فرنٹ کیمرے کو اسکرین کے اوپری بائیں حصے میں منتقل کیا جا سکتا ہے جہاں فی الحال گھڑی موجود ہوتی ہے۔
یہ لیکس معروف ٹپسٹر ڈیجیٹل چیٹ اسٹیشن کی سابقہ معلومات سے بھی مطابقت رکھتی ہیں جن کے مطابق انڈر ڈسپلے فیس آئی ڈی فیچر صرف پرو ماڈلز تک محدود ہوگا جبکہ آئی فون 18 کے عام ماڈلز میں ڈائنامک آئی لینڈ کا موجودہ ڈیزائن برقرار رکھا جائے گا۔
مزید پڑھیں: آئی فون 17 پاکستان میں اب بغیر سود کے قسطوں پر بھی ممکن، مگر کیسے؟
اگر یہ رپورٹس درست ثابت ہوتی ہیں تو آئی فون 18 پرو کی سب سے بڑی بصری تبدیلی سیلفی کیمرے کی نئی جگہ ہوگی جو ایپل کے فرنٹ ڈسپلے کے روایتی لے آؤٹ کو ایک نیا انداز دے سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون پرو 18 آئی فون کا فرنٹ ڈسپلے تبدیل ایپل.
ذریعہ
ذریعہ: WE News
کلیدی لفظ: ا ئی فون پرو 18 ایپل آئی فون 18 پرو اسکرین کے کے مطابق ا ئی فون
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع