علی پرویز، جین میریٹ ملاقات، تیل گیس و مائننگ میں تعاون پر اتفاق
اشاعت کی تاریخ: 20th, January 2026 GMT
اسلام آباد(نیوزڈیسک)وفاقی وزیرپیٹرولیم علی پرویزملک سے برطانوی ہائی کمشنر جین میریٹ نے ملاقات کی جس دوران پاکستان اوربرطانیہ کےدرمیان تیل و گیس سمیت معدنیات کے تمام شعبوں میں تعاون بڑھانے پر اتفاق کیا گیا۔
وزیرپیٹرولیم علی پرویزملک اور جین میریٹ کی ملاقات میں برطانیہ کی جانب سے جیولوجیکل سروے کی استعدادکار بڑھانے کیلئے چالیس کروڑ ڈالر معاونت کی پیشکش کی گئی علی پرویز ملک نے کہا کہ توانائی کے شعبےمیں ادارہ جاتی استعداد بڑھانے کیلئے اقدامات جاری ہیں۔ جیولوجیکل سرویزکے درمیان تعاون سے منرلز کے شعبے میں ترقی ہوگی۔ برطانوی کمپنیاں پاکستانی سرکاری اداروں کے ساتھ شراکت کر سکتی ہیں۔ برطانوی ہائی کمشنر جین میریٹ نے کہا کہ پاکستان میں سرمایہ کاری کےبے پناہ مواقع موجود ہیں۔ ملاقات میں اوگرا کی تنظیمِ نو کیلئے تشخیصی جائزے پر بھی غور کیا گیا۔
.
ذریعہ
ذریعہ: Daily Mumtaz
پڑھیں:
بانی پی ٹی آئی کی بشریٰ بی بی سے ہفتہ وار ملاقات کرادی گئی
فائل فوٹواڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
جیل ذرائع کے مطابق بانی پی ٹی آئی اور بشریٰ بی بی کی ملاقات کانفرنس روم میں کرائی گئی، جو 40 منٹ تک جاری رہی۔
جیل ذرائع کے مطابق دوران ملاقات عمران خان اور بشریٰ بی بی نے ایک دوسرے کی خیریت دریافت کی۔
دوسری طرف اڈیالہ جیل میں بانی پی ٹی آئی اور بشری بی بی سے ملاقات کے دن کے موقع پر کسی وکیل اور فیملی ممبر کی ملاقات نہ ہوسکی۔
وزیراعلیٰ خیبر پختونخوا سہیل آفریدی بھی بانی پی ٹی آئی سے اظہار یکجہتی کیلئے اڈیالہ جیل آئے تھے۔
بانی پی ٹی آئی کی تینوں بہنیں علیمہ خان، نورین نیازی اور عظمی خان اڈیالہ جیل تو پہنچیں لیکن پولیس نے انہیں فیکٹری ناکے سے آگے جانے کی اجازت نہ دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ