شام میں کردوں کو تنہا نہیں چھوڑیں گے‘کردستان ورکرز پارٹی
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
دمشق (انٹرنیشنل ڈیسک) ترکیہ میں سرگرم دہشت گرد تنظیم کردستان ورکرز پارٹی (پی کے کے) نے کہا ہے کہ شام میں موجود کردوں کو تنہا نہیں چھوڑا جائے گا۔ پی کے کے کے ترجمان مرات کارائیلان نے شامی کردوں کو مخاطب کرکے کہا کہ ہم آپ کو تنہا نہیں چھوڑیں گے، خواہ اس کی کوئی بھی قیمت ہو۔کرد عوام اور ایک تحریک کے طور پر جو بھی ضروری ہو گا، ہم کریں گے۔ذرائع ابلاغ کے مطابق شامی فوج نے تقریباً 2ہفتے قبل کارروائی شروع کی تھی جس نے کرد وں کی ملیشیا ایس ڈی ایف فورسز کو شمالی شہر حلب سے باہر دھکیل دیا تھا اور ہفتے کے آخر میں انہوں نے اپنی کارروائی کو وسعت دی تاکہ انہیں اس علاقے میں گہرائی تک دھکیل دیا جائے جس پر کرد جنگجو ایک عشرے سے زیادہ عرصے سے قابض ہیں۔ واضح رہے کہ شامی کرد تنظیم نے دمشق حکومت سے معاہدہ کیا ہے،جس کی رو سے وہ دیرالزور اور رقہ کے علاقوں سے دستبردار ہوجائے گی۔ تاہم پی کے کے کا بیان اس معاہدے کو سبوتاژ کرنے کی واضح کوشش ہے۔ دوسری جانب شام کی قیادت کی قریبی اتحادی ترکیہ کی حکومت بیک وقت پی کے کے کے ساتھ ایک تصفیہ مہم کی قیادت کر رہی ہے۔ ترکیہ اور اس کے مغربی اتحادیوں نے پی کے کے کو ایک دہشت گرد گروپ قرار دے رکھا ہے۔ کرد ترجمان کرائیلان نے اپنے بیان میں کہا کہ دمشق کی زیر قیادت حملہ ترکیہ میں امن عمل کوناکام کرنے کی کوشش تھا۔انہوں نے کہاکہ بین الاقوامی طاقتوں کا ان حملوں کو ممکن بنانے کا یہ فیصلہ امریکا، برطانیہ، جرمنی، فرانس اور دیگر بین الاقوامی اتحادی ممالک کے لیے ایک سیاہ داغ ثابت ہو گا۔ اس سے قبل پیر کے روز ترکیہ کے کرد اکثریتی شہر دیار باقر میں 500 افراد نے شامی حکومت کے اقدام کے خلاف ریلی نکالی۔ پولیس نے احتجاج ختم کرنے کی کوشش کی تو جھڑپیں شروع ہو گئیں۔ کرد نواز ڈی ای ایم پارٹی نے شام کی سرحد پر واقع قصبے نْصیبین میں ایک بڑی ریلی کی کال دی ہے، جو ترک پارلیمان کی تیسری بڑی طاقت ہے۔
ذریعہ
ذریعہ: Jasarat News
کلیدی لفظ: پی کے کے
پڑھیں:
امتحانی تنازعات پر کاکروچ جنتا پارٹی کے بانی نے بڑا اعلان کردیا
کاکروچ جنتا پارٹی کے بانی ابھیجیت دپکے نے بھارت کے دارالحکومت نئی دہلی میں 6 جون کو احتجاجی تحریک شروع کرنے کا اعلان کر دیا ہے۔
بھارتی میڈیا رپورٹس کے مطابق ابھیجیت دپکے نے کہا ہے کہ وہ 6 جون کو بھارت واپس آ کر دہلی کے جنتر منتر پر پرامن احتجاج کا آغاز کریں گے۔ ان کا مؤقف ہے کہ ملک میں مختلف امتحانی تنازعات کے باعث طلبہ کا مستقبل متاثر ہو رہا ہے، جس پر فوری طور پر ذمے داری طے کی جانی چاہیے۔
دپکے نے مطالبہ کیا ہے کہ نیٹ یو جی پیپر لیک، سی بی ایس ای، سی یو ای ٹی اور ایس ایس سی جی ڈی سمیت مختلف امتحانی بے ضابطگیوں کی ذمے داری قبول کرتے ہوئے مرکزی وزیر تعلیم دھرمیندر پردھان اپنے عہدے سے استعفیٰ دیں۔
ان کا دعویٰ ہے کہ امتحانی نظام میں ہونے والی مبینہ بے ضابطگیوں سے ایک کروڑ سے زائد طلبا متاثر ہوئے ہیں۔ انہوں نے ایک ویڈیو پیغام میں طلبا، نوجوانوں اور اپنے حامیوں سے اپیل کی ہے کہ وہ 6 جون کو دہلی میں ان کے احتجاج میں شریک ہوں۔
دپکے کے مطابق پیپر لیک اور دیگر تنازعات کے باعث طلبا شدید ذہنی دباؤ کا شکار ہوئے، کئی نوجوانوں کی محنت ضائع ہوئی اور بعض افسوسناک واقعات میں خودکشی جیسے سنگین نتائج بھی سامنے آئے۔ ان کا کہنا تھا کہ ایسے حالات میں ذمے داروں کا تعین ناگزیر ہو چکا ہے۔
انہوں نے یہ بھی دعویٰ کیا کہ وزیر تعلیم کے استعفے کے مطالبے پر اب تک 8 لاکھ سے زائد افراد دستخط کر چکے ہیں جبکہ لکھنؤ، جے پور، دہلی اور مہاراشٹر سمیت مختلف شہروں میں پہلے ہی احتجاجی مظاہرے کیے جا چکے ہیں۔
ان کا کہنا ہے کہ مسلسل ناکامیوں کے باوجود اگر احتساب نہ کیا گیا تو عوامی اعتماد مزید متاثر ہوگا اور طلبا بار بار نقصان اٹھاتے رہیں گے، جبکہ متعلقہ ادارے کسی مؤثر کارروائی سے گریز کر رہے ہیں۔
انہوں نے اعلان کیا کہ وہ دہلی پہنچ کر جنتر منتر پر احتجاج کی اجازت کے لیے حکام سے رابطہ کریں گے اور یہ احتجاج مکمل طور پر پرامن اور آئینی دائرے میں ہوگا۔
دپکے نے یہ بھی کہا کہ انہیں امریکا میں ملازمت کی پیشکش ہوئی تھی، تاہم انہوں نے بیرون ملک جانے کے بجائے بھارت واپس آ کر احتجاج کا فیصلہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے