ڈی سی شکارپور کی ہدایت پر تجاوزات کیخلاف آپریشن
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
260121-11-7
شکارپور (نمائندہ جسارت) ڈپٹی کمشنر شکارپور شکیل احمد ابڑو کی ہدایات پر غیر قانونی تجاوزات کے خلاف آپریشن کیا گیا، آپریشن کی نگرانی اسسٹنٹ کمشنر شکارپور فیضان احمد چیمہ نے کی آپریشن میں میونسپل کمیٹی کے چیف میونسپل آفیسر عابد لطیف راجپوت ، اینٹی انکروچمنٹ فورس کے انسپکٹر غلام اکبر بروہی، میونسپل انکروچمنٹ انچارج عمران بروہی اور میونسپل کمیٹی کا عملہ بھی موجود تھا ، غیر قانونی تجاوزات کے خلاف کارروائی اسٹیشن روڈ ، لکھی در ، گھنٹہ گھر کے اطراف میں کی گئی اس دوران سڑکوں، فٹ پاتھوں اور سرکاری املاک پر قائم مستقل تجاوزات کو ہٹا کر دکانداروں کو نشان الاٹ کیے جس کے اندر دکاندار اپنا سامان رکھ سکیں۔اس موقع پر اسسٹنٹ کمشنر فیضان احمد چیمہ کا کہنا تھا کے کارروائی کا مقصد شہریوں کے لیے آمد و رفت میں آسانی، ٹریفک کی روانی کی بحالی اور شہر کی خوبصورتی کو یقینی بنانا تھا۔ ضلعی انتظامیہ واضح کرتی ہے کہ اس کا مقصد کاروبار کی حوصلہ شکنی کرنا یا تاجر برادری کو کسی قسم کے مالی نقصان سے دوچار کرنا نہیں۔ تاہم تجاوزات عام شہریوں کے لیے آمد و رفت میں دشواری اور تکلیف کا باعث بنتی ہیں، اس لیے ضلعی انتظامیہ اپنی ذمہ داری کے تحت ان کا خاتمہ کرتی رہے گی اور عوام کی سہولت کو یقینی بنائے گی۔ انتظامیہ اس ضمن میں تاجر برادری اور عام شہریوں دونوں سے تعاون کی توقع رکھتی ہے میونسپل کمیٹی کے سی ایم او عابد لطیف راجپوت کا کہنا تھا عوامی مفاد کے تحفظ، شہری نظم و ضبط کی بہتری اور سرکاری املاک کے تحفظ کے لیے قانون کے مطابق میونسپل کمیٹی اپنی کارروائیاں جاری رکھے گی۔
ذریعہ
ذریعہ: Jasarat News
کلیدی لفظ: میونسپل کمیٹی
پڑھیں:
کفایت شعاری اقدامات میں بڑا ریلیف ؛ مارکیٹوں کے اوقات کار میں توسیع
سٹی 42: کفایت شعاری اقدامات میں نائب وزیر اعظم نے مارکیٹوں کے اوقات کار بڑھا کر بڑا ریلیف دےدیا
ترجمان دفتر خارجہ کے مطابقنائب وزیرِ اعظم اسحاق ڈار نے آج وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کے اجلاس کی صدارت کی
کمیٹی نے جاری کفایت شعاری اقدامات کا جائزہ لیا ۔کمیٹی نے مارکیٹوں کے اوقاتِ کار، دن کے اوقات میں اضافے اور گرمیوں کے بلند درجۂ حرارت کو مدنظر رکھتے ہوئے کاروبار بند کرنے کے اوقات میں توسیع کا فیصلہ کیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
کمیٹی کے فیصلے کے مطابق دکانیں، بازار، شاپنگ مالز اور عمومی ریٹیل کاروبار رات 9:00 بجے تک کھلے رہیں گے۔کمیٹی کے فیصلے کے مطابق ریستوران، کیفے اور کھانے پینے کے مراکز رات 11:00 بجے تک کھلے رہیں گے۔
تاہم ٹیک اوے اور ڈیلیوری سروسز ان اوقات کار سے مستثنیٰ ہوں گی۔شادی ہالز اور تقریبات کے مقامات رات 10:00 بجے تک کھلے رہیں گے۔ضروری خدمات بشمول فارمیسی، ہسپتال، پٹرول پمپس، آئی ٹی اور ٹیلی کام سے متعلق خدمات کو بھی مستثنیٰ قرار دیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ رابطے میں رہتے ہوئے ان ہدایات پر مؤثر عملدرآمد کو یقینی بنائیں۔کمیٹی نے ایجنڈے میں شامل دیگر معاملات اور کیسز پر بھی غور کیا اور ان کی منظوری دی۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات، اور آئی ٹی و ٹیلی کام شریک ہوئے۔اجلاس میں وزیرِ اعظم کے معاونِ خصوصی برائے خزانہ؛ نائب وزیرِ اعظم کے معاونِ خصوصی بھی موجود تھے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
سیکریٹریز تجارت، کابینہ، پیٹرولیم، اور آئی ٹی و ٹیلی کمیونیکیشنز؛ نیز صوبائی حکومتوں کے سینئر حکام نے بھی اجلاس میں شرکت کی۔
وزارت آئی ٹی نے 1.67 ارب روپے سے زاید کے فنڈز طلب کرلیے