گل پلازہ کے باہر قیامت کا سا سماں، اہلِخانہ معجزے کے منتظر
اشاعت کی تاریخ: 21st, January 2026 GMT
کوئی باپ اپنے بیٹے کی واپسی کا منتظر تو کہیں کوئی بیٹا باپ کی ایک جھلک کیلئے بے قرار
کسی کی زبان پر بھائی کا نام ہے تو کسی کی آنکھوں میں بہن کی یاد آنسو بن کر ٹھہر گئی ہے
سانحہ گل پلازہ میں لاپتہ افراد کے اہلِ خانہ شدید کرب کا شکار ہیں اور ہ کسی معجزے کے منتظر ہے کہ ان کے پیارے زندہ سلامت واپس لوٹ آئیں۔تفصیلات کے مطابق کراچی کے گل پلازہ میں پیش آنے والی خوفناک آتشزدگی کے بعد علاقے میں قیامت کا سا سماں ہے۔ملبے تلے لاپتہ افراد کے اہلِ خانہ شدید کرب اور بے چینی کا شکار ہیں، کوئی باپ اپنے بیٹے کی واپسی کا منتظر ہے تو کہیں کوئی بیٹا باپ کی ایک جھلک کے لیے بے قرار نظر آتا ہے، کسی کی زبان پر بھائی کا نام ہے تو کسی کی آنکھوں میں بہن کی یاد آنسو بن کر ٹھہر گئی ہے۔خوفناک آتشزدگی کے بعد لاپتہ افراد کے اہلِ خانہ صدمے سے نڈھال ہیں، دل دہلا دینے والی بے بسی ہر چہرے سے جھلک رہی ہے۔ رشتے دار ہاتھ اٹھائے دعائوں میں مصروف ہیں، ہر دل میں ایک ہی امید ہے کہ شاید کوئی معجزہ ہو اور ان کے پیارے زندہ سلامت واپس لوٹ آئیں۔دوسری جانب سانحہ گل پلازہ کے ملبے سے لاپتہ افراد کو تلاش کرنے کا عمل تاحال جاری ہے، حادثے میں60 سالہ رمضان اور 27سالہ شیراز بھی لاپتہ ہیں، جن کے اہلِ خانہ ہر لمحہ اپنے پیاروں کی سلامتی کے لیے دعا گو ہیں۔پولیس سرجن ڈاکٹر سمیعہ نے بتایا کہ ملبے سے نکالی گئی بعض لاشیں ناقابلِ شناخت ہیں، جن کی شناخت ڈی این اے ٹیسٹ کے ذریعے کی جائے گی۔انہوں نے کہاکہ لاپتہ افراد کے اہلِ خانہ اسپتال پہنچ کر اپنے خون کے نمونے دے رہے ہیں، جو شناخت کے لیے جامعہ کراچی کی لیبارٹری بھجوائے جائیں گے۔کمشنر کراچی سید حسن نقوی نے کہا کہ سانحہ گل پلازہ میں مجموعی طور پر 75افراد متاثر ہوئے۔ اب تک 26افراد کی لاشیں نکالی جا چکی ہیں، جن میں سے 13 کی شناخت ہو چکی ہے، جبکہ باقی لاشوں کی شناخت ڈی این اے رپورٹس آنے کے بعد ممکن ہو سکے گی۔
.
ذریعہ
ذریعہ: Juraat
پڑھیں:
کوہاٹ: ڈیرہ اسماعیل خان میں نامعلوم افراد کی فائرنگ، بچے سمیت 3 افراد قتل
ڈیرہ اسماعیل خان+ کوہاٹ (نامہ نگاران) کوہاٹ شہر کے علاقہ چشمہ جات کے قریب فائرنگ سے ایک راہگیر بچے سمیت دو افراد کو قتل کر دیا گیا۔ قتل ہونے والا شخص کرم پولیس کا اہلکار ہے۔ تفصیلات کے مطابق کوہاٹ شہر کے علاقہ چشمہ جات کے قریب نامعلوم ملزموں کی جانب سے فائرنگ میں کرم پولیس کا اہلکار رحیم سکنہ جنگل خیل کوہاٹ اور ایک راہگیر بچہ نقیب اللہ سکنہ میاں گڑھی جو نہانے کے لئے چشمہ جات آیا ہوا تھا۔ لگ کر جان بحق ہوگئے۔ جبکہ ڈیرہ اسماعیل خان کی تحصیل پنیالہ کے گائوں کٹہ خیل میں نامعلوم ملزموں نے فائرنگ کرکے ایک نوجوان کو قتل کردیا۔ تفصیلات کے مطابق تحصیل پنیالہ کی گائوں کٹہ خیل میں نامعلوم ملزموں نے مسجد کے اندر نماز ادا کرنیوالے نوجوان وحید اللہ ولد عبدالرشید سکنہ محلہ بیگ خیل کو فائرنگ کرکے قتل کردیا اور موقع سے فرار ہوگئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار