پی ایس ایل 11 : آکشن سے قبل لوکل کھلاڑیوں کی نئی کیٹیگریز منظر عام پر
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان سپر لیگ سیزن 11 کی پلیئرز آکشن سے قبل مقامی کھلاڑیوں کی ممکنہ نئی کیٹیگریز کی فہرست سامنے آ گئی ہے، جس میں کئی نمایاں اور سینئر کرکٹرز کی کیٹیگریز میں تبدیلی متوقع ہے۔
میڈیا رپورٹس کے مطابق اس فہرست کو حتمی شکل دینے سے قبل مختلف فرنچائزز اور بورڈ کے درمیان مشاورت جاری ہے، تاہم سامنے آنے والی تفصیلات نے شائقین کرکٹ میں خاصی دلچسپی پیدا کر دی ہے۔
ذرائع کے حوالے سے نجی ٹی وی کی رپورٹ میں بتایا گیا ہے کہ اسلام آباد یونائیٹڈ کے شاداب خان، عماد وسیم اور نسیم شاہ بدستور پلاٹینم کیٹیگری میں برقرار رکھے گئے ہیں۔ اسی طرح صاحبزادہ فرحان کو گولڈ کیٹیگری میں رکھا گیا ہے جب کہ سلمان علی آغا اور محمد نواز کی کارکردگی کے پیش نظر انہیں ڈائمنڈ سے ترقی دے کر پلاٹینم کیٹیگری میں شامل کیے جانے کا امکان ہے۔
کراچی کنگز کے حسن علی کو ڈائمنڈ سے پلاٹینم میں شامل کیا گیا ہے جب کہ عباس آفریدی پلاٹینم سے ڈائمنڈ میں منتقل ہو سکتے ہیں۔ اسی طرح خوشدل شاہ اور عامر جمال کو ڈائمنڈ سے گولڈ میں شامل کیے جانے کی اطلاعات ہیں جب کہ شان مسعود اپنی ڈائمنڈ کیٹیگری برقرار رکھنے میں کامیاب رہے ہیں۔
لاہور قلندرز کے شاہین شاہ آفریدی، فخر زمان اور حارث رؤف بدستور پلاٹینم کیٹیگری میں موجود ہیں، جو ٹیم کے مرکزی ستون تصور کیے جاتے ہیں۔ ذرائع کے حوالے سے بتایا گیا ہے کہ سلمان مرزا کو گولڈ سے ڈائمنڈ اور محمد نعیم کو ایمرجنگ سے سلور میں شامل کیا گیا ہے۔
پشاور زلمی کے بابر اعظم اور صائم ایوب بھی پلاٹینم میں برقرار ہیں، تاہم محمد حارث اور محمد علی کی کیٹیگری ڈائمنڈ سے گولڈ میں تبدیل ہونے کا امکان ہے۔ ملتان سلطانز کے محمد رضوان پلاٹینم میں موجود رہیں گے جب کہ اسامہ میر اور افتخار احمد کو پلاٹینم سے ڈائمنڈ میں شامل کیا جا سکتا ہے۔
کوئٹہ گلیڈی ایٹرز کے فہیم اشرف اور محمد عامر بھی پلاٹینم میں برقرار ہیں جب کہ ابرار احمد کو ڈائمنڈ سے پلاٹینم میں ترقی دی گئی ہے۔
.
ذریعہ
ذریعہ: Jasarat News
کلیدی لفظ: کیٹیگری میں پلاٹینم میں ڈائمنڈ سے اور محمد گیا ہے
پڑھیں:
پہلی ہی گیند پر وکٹ: شاہین آفریدی پاکستان کے عظیم کپتانوں کی فہرست میں شامل
پاکستان کے کپتان شاہین شاہ آفریدی نے آسٹریلیا کے خلاف دوسرے ایک روزہ میچ میں ایک منفرد اعزاز اپنے نام کر لیا۔
یہ بھی پڑھیں: دوسرا ون ڈے: آسٹریلیا کے 232 رنز کے ہدف کے تعاقب میں پاکستان کی بیٹنگ جاری
قذافی اسٹیڈیم لاہور میں کھیلے گئے میچ کے آغاز پر شاہین نے پہلی ہی گیند پر آسٹریلوی اوپنر الیکس کیری کو بولڈ کر کے پاکستانی کرکٹ کی تاریخ میں اپنا نام درج کرا دیا۔
شاہین شاہ آفریدی اب پاکستان کے صرف تیسرے کپتان بن گئے ہیں جنہوں نے ون ڈے انٹرنیشنل میں حریف ٹیم کی اننگز کی پہلی ہی گیند پر وکٹ حاصل کی۔ اس سے قبل یہ کارنامہ پاکستان کے لیجنڈری فاسٹ بولرز وسیم اکرم اور وقار یونس انجام دے چکے ہیں۔
A unique feat for Pakistan captain @iShaheenAfridi today ????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS | #TakraarKaTime | #BackTheBoysInGreen pic.twitter.com/lh6zWbjS25
— Pakistan Cricket (@TheRealPCB) June 2, 2026
وسیم اکرم نے سنہ 1993 میں کراچی میں زمبابوے کے خلاف اینڈی فلاور کو پہلی گیند پر آؤٹ کیا تھا جبکہ وقار یونس نے 2001 میں لیڈز میں انگلینڈ کے مارکس ٹریسکوتھک کو ابتدائی گیند پر پویلین بھیجا تھا۔
پہلی گیند پر وکٹ لینے والے پاکستانی کپتان
وسیم اکرم: سنہ 1993 بمقابلہ زمبابوے (کراچی)
وقار یونس: سنہ 2001 بمقابلہ انگلینڈ (لیڈز)
شاہین شاہ آفریدی: سنہ 2026 بمقابلہ آسٹریلیا (لاہور)
شاہین آفریدی نے صرف ابتدائی وکٹ پر ہی اکتفا نہیں کیا بلکہ شاندار بولنگ کا سلسلہ جاری رکھتے ہوئے آسٹریلیا کے مزید 2 کھلاڑیوں کو بھی آؤٹ کیا۔ انہوں نے 47ویں اوور میں میتھیو کوہنیمن اور 49ویں اوور میں نیتھن ایلس کی وکٹ حاصل کی اور 8 اوورز میں 36 رنز دے کر 3 وکٹیں اپنے نام کیں۔
مزید پڑھیے: شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
شاہین کے علاوہ حارث رؤف، ابرار احمد اور عرفات منہاس نے بھی عمدہ بولنگ کا مظاہرہ کیا جس کے باعث آسٹریلوی ٹیم مقررہ 50 اوورز میں 9 وکٹوں کے نقصان پر 231 رنز تک محدود رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزارت آئی ٹی نے 1.67 ارب روپے سے زاید کے فنڈز طلب کرلیے