بلوچستان گرینڈ الائنس کے احتجاج پر پولیس کریک ڈاؤن، صدر قدوس کاکڑ گرفتار
اشاعت کی تاریخ: 21st, January 2026 GMT
کوئٹہ میں بلوچستان گرینڈ الائنس کی جانب سے سرکاری ملازمین کے مطالبات کے حق میں احتجاج اور ممکنہ پریس کانفرنس کے پیشِ نظر پولیس کی جانب سے دوسرے روز بھی کریک ڈاؤن جاری رہا۔
شہر کے مختلف علاقوں میں گرینڈ الائنس کے رہنماؤں اور کارکنان کی گرفتاریوں کا سلسلہ بدستور جاری ہے۔
پولیس نے بلوچستان گرینڈ الائنس کے صدر قدوس کاکڑ سمیت متعدد رہنماؤں کو حراست میں لے لیا، جبکہ گزشتہ روز بھی کئی رہنماؤں کو گرفتار کیا گیا تھا۔
پولیس کی بھاری نفری کوئٹہ پریس کلب اور اطراف کے علاقوں میں تعینات رہی تاکہ کسی بھی ممکنہ احتجاج یا پریس کانفرنس کو روکا جا سکے۔
منان چوک پر سرکاری ملازمین اور پولیس آمنے سامنے آ گئے، جہاں صورتحال کچھ دیر کے لیے کشیدہ رہی۔
احتجاج میں خواتین ملازمین کی بڑی تعداد بھی شریک تھی، جنہوں نے گرفتاریوں کے خلاف شدید نعرے بازی کی۔
پولیس کارروائی کے دوران سرکاری ملازمین کی جانب سے گرفتاریوں کے خلاف مزاحمت بھی دیکھنے میں آئی۔
کوئٹہ پولیس کے مطابق امن و امان کی صورتحال کو برقرار رکھنے کے لیے کارروائیاں کی جا رہی ہیں، جبکہ گرینڈ الائنس کے رہنماؤں نے پولیس کریک ڈاؤن کو پرامن احتجاج کو دبانے کی کوشش قرار دیا ہے۔
حالات کے پیش نظر شہر میں سیکیورٹی ہائی الرٹ ہے اور مزید گرفتاریوں کا خدشہ ظاہر کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امن و امان بلوچستان پولیس سیکیورٹی قدوس کاکڑ کوئٹہ گرفتار گرینڈ الائنس ہائی الرٹ.
ذریعہ
ذریعہ: WE News
کلیدی لفظ: بلوچستان پولیس سیکیورٹی قدوس کاکڑ کوئٹہ گرفتار گرینڈ الائنس ہائی الرٹ گرینڈ الائنس کے
پڑھیں:
پی اے سی کی تمام ڈسکوز کے ملازمین کی تصدیق کی سفارش
فوٹو: فائلپبلک اکاؤنٹس کمیٹی (پی اے سی) نے تمام ڈسکوز کے ملازمین کی تصدیق کی سفارش کردی اور ہدایت کی ہے کہ تمام ڈسکوز ملازمین کو تنخواہوں کی ڈیجیٹل ادائیگی یقینی بنائیں۔
پی اے سی اجلاس کے دوران سیکریٹری پاور ڈویژن کا کہنا تھا کہ حکومت بجلی بنانے اور تقسیم کے کاروبار سے نکل رہی ہے۔ تین ڈسکوز کی نجکاری کیلئے معاملات حتمی مراحل میں ہیں۔
انہوں نے کہا کہ حیسکو اور سیپکو کی نجکاری کیلئے فنانشل ایڈوائزر مقرر کر رہے ہیں۔ حکومت صرف ٹیسکو اور کیسکو کو اپنے پاس رکھے گی۔ کابینہ کا فیصلہ ہے کہ ٹیسکو اور کیسکو کی نجکاری نہیں کی جائے گی۔
سیکریٹری پاور ڈویژن نے بتایا کہ 2027 کے آغاز میں تین ڈسکوز کی نجکاری مکمل ہوجائے گی۔ گیپکو، فیسکو اور آئیسکو کی نجکاری 2027 کے آغاز میں ہوجائے گی، تمام ڈسکوز کی نجکاری تیزی سے ہوگی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا