اقدام قتل اور دہشت گردی کا کیس: ایمان مزاری اور ہادی علی چٹھہ کی حفاظتی ضمانت منظور
اشاعت کی تاریخ: 21st, January 2026 GMT
فوٹو بشکریہ سوشل میڈیا
اسلام آباد ہائی کورٹ نے اقدام قتل اور دہشت گردی کے کیس میں ایمان مزاری اور ہادی علی چٹھہ کی حفاظتی ضمانت منظور کر لی۔
ایمان مزاری اور ہادی علی چٹھہ کی جسٹس محمد اعظم خان نے 10ہزار کے مچلکوں پر دو دن کے لیے حفاظتی ضمانت منظور کی۔
عدالت نے ایمان مزاری اور ہادی علی چٹھہ کو 2 دن میں متعلقہ عدالت سے رجوع کرنے کا حکم دے دیا۔
انسانی حقوق کےلیے سرگرم وکیل ایمان مزاری اور اُن کے شوہر ہادی علی چٹھہ کے خلاف جولائی 2025ء کا ایک مقدمہ سامنے آیا ہے۔
وکیل کامران مرتضیٰ نے کہا کہ پہلی مرتبہ کسی خاتون نے رات احاطہ عدالت میں گزاری ہے، مجھے لگ رہا ہے کہ ایسا میری وجہ سے ہوا ہے۔
انہوں نے کہا کہ عدالت میں پٹیشن آگئی، ضمانت مل گئی تو نئی ایف آئی آر لا کر گرفتاری کی کوشش کی گئی، 27 جولائی واقعے پر پرانی ایف آئی آر ہے جس کے بعد وہ درجنوں بار عدالتوں میں آئیں۔
وکیل کامران مرتضیٰ کا کہنا تھا کہ اگر ایمان مزاری کو گرفتار کرنا تھا تو پراسیکیوشن پہلے گرفتار کر لیتی، ایف آئی آر میں فائرنگ کا ذکر ہے جبکہ وکیل نے پستول کو ہاتھ تک نہیں لگایا۔
واضح رہے کہ ایمان مزاری اور ہادی علی چٹھہ پر اقدام قتل اور دہشت گردی دفعات کا مقدمہ درج ہے۔
.
ذریعہ
ذریعہ: Jang News
کلیدی لفظ: ایمان مزاری اور ہادی علی چٹھہ
پڑھیں:
وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی
وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی، وفاقی آئینی عدالت نے غیررجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا.عدالت نے قرار دیا ہے کہ ٹیکس قانون کے سیکشن 31اے میں ابہام ہے۔
جسٹس عامر فاروق کی سربراہی میں دو رکنی بنچ نے فیصلہ جاری کر دیا. وفاقی آئینی عدالت نے فیصلے میں کہا حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا۔
اضافی ٹیکس سال 2024 کے فنانس ایکٹ کی مد میں وصول کیا جا رہا تھا،قانون کے مطابق پولٹری فارمز کو ٹیکس سے مستثنیٰ قرار دیا گیا ہے،قانون کے مطابق استثنی ملنے پر پولٹری فارمز رجسٹریشن کے پابند نہیں ہیں۔
قانون غیررجسٹرڈ پولٹری فارمز کو مکمل تحفظ فراہم کرتا ہے،رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی،وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔
لاہور ہائیکورٹ نے پولٹری فیڈ ملز سے 4% اضافی ٹیکس کی وصولی کو درست قرار دیا تھا.پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے