میڈ اِن پاکستان ایس ایم ای ایکسپو 2026 لاہور میں 24 تا 26 جنوری منعقد ہوگی
اشاعت کی تاریخ: 21st, January 2026 GMT
وزیر اعظم کے معاون خصوصی ہارون اختر خان نے کہا ہے کہ وزیر اعظم شہباز شریف کی قیادت میں معیشت استحکام اور ترقی کی درست سمت میں گامزن ہے اور مائیکرو، سمال اور میڈیم کاروبار (ایس ایم ایز) پاکستان کی معیشت کی ریڑھ کی ہڈی ہیں۔ حکومت نے ایس ایم ایز کو قومی ترقی کے مرکز میں رکھا ہے اور معاشی پالیسیاں ہر ضلع اور چھوٹے کاروبار تک پہنچانا اپنی ترجیح قرار دی ہے۔
مزید پڑھیں: ڈھاکا: تھرڈ میڈ اِن پاکستان ایگزیبیشن کا آغاز، دوطرفہ تجارتی تعلقات کو فروغ دینے کا عزم
ہارون اختر خان نے مزید بتایا کہ ایس ایم ایز روزگار، پیداوار اور برآمدات میں کلیدی کردار ادا کر رہی ہیں، اور ملک بھر میں ایس ایم ای کلسٹرز کے ساتھ مشاورت مکمل کر لی گئی ہے۔ تمام صوبوں اور علاقوں کی نمائندگی کے ساتھ ایس ایم ای پالیسی تشکیل دی گئی ہے، اور خواتین کاروباریوں کی شمولیت حکومت کی معاشی حکمت عملی کا حصہ ہے۔
انہوں نے اعلان کیا کہ میڈ اِن پاکستان ایس ایم ای کلسٹر شوکیس ایکسپو 2026 لاہور میں 24 سے 26 جنوری تک ایکسپو سینٹر میں منعقد ہوگی، جس میں 30 سے زائد کلسٹر پویلینز اور 174 نمائندگان شرکت کریں گے۔ خواتین اور مائیکرو کاروباروں کے لیے خصوصی پویلینز قائم کیے جا رہے ہیں جبکہ بینکوں اور مالیاتی اداروں کی شمولیت سے ایس ایم ایز کو براہِ راست مالی رسائی ملے گی۔
مزید پڑھیں: میڈ اِن پاکستان کا لوگو بیرون ملک جانا بڑی کامیابی ہے، وزیر تجارت جام کمال
ہارون اختر خان نے کہا کہ ایس ایم ای ایکسپو صرف نمائش نہیں بلکہ پاکستان کی معاشی طاقت اور برآمدات کی حوصلہ افزائی کا قومی پلیٹ فارم ہے، اور عوام معیاری پاکستانی مصنوعات خرید اور آرڈرز بک کر سکیں گے۔ ان کا کہنا تھا کہ ایس ایم ایز مضبوط ہوں گی تو پاکستان مضبوط ہوگا، اور یہ ایکسپو وزیر اعظم کے معاشی وژن کا عملی مظہر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس ایم ای ایکسپو 2026 لاہور میڈ ان پاکستان ہارون اختر خان وزیر اعظم شہباز شریف وزیر اعظم کے معاون خصوصی.
ذریعہ
ذریعہ: WE News
کلیدی لفظ: ایس ایم ای ایکسپو 2026 لاہور میڈ ان پاکستان ہارون اختر خان وزیر اعظم شہباز شریف وزیر اعظم کے معاون خصوصی میڈ ا ن پاکستان ہارون اختر خان ایس ایم ایز ایس ایم ای
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا