لاہور، انوکھی واردات، چور 1لاکھ 63ہزار مالیتی جوتے لے اڑے
اشاعت کی تاریخ: 21st, January 2026 GMT
لاہور (نیوزڈیسک) ڈیفنس میں چوری کی ایک انوکھی واردات سامنے آ گئی ہے، جہاں نامعلوم چور ایک گھر سے ایک لاکھ 63 ہزار روپے مالیت کے جوتے چوری کرکے فرار ہو گیا۔
پولیس نے واقعے کا مقدمہ نامعلوم ملزم کے خلاف درج کر کے تحقیقات شروع کر دی ہیں۔ ایف آئی آر میں درج تفصیلات کے مطابق چور نے 68 ہزار روپے مالیت کے مردانہ جوتوں کے دو جوڑے چرائے۔ اس کے علاوہ 50 ہزار روپے مالیت کا ایک لیڈیز جوتا بھی چوری کیا گیا۔
ایف آئی آر کے مطابق ملزم بچوں کے 20 ہزار روپے مالیت کے جوتے اور ملازمین کے 5 ہزار روپے مالیت کے سلیپر بھی ساتھ لے گیا۔ پولیس کا کہنا ہے کہ ملزم کی تلاش جاری ہے اور واقعے کی مختلف پہلوؤں سے تفتیش کی جا رہی ہے۔
واقعے نے شہریوں میں تشویش پیدا کر دی ہے، جبکہ پولیس کا کہنا ہے کہ جلد ملزم کو گرفتار کر لیا جائے گا۔
.
ذریعہ
ذریعہ: Daily Mumtaz
کلیدی لفظ: ہزار روپے مالیت کے
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار