ڈیوڈ بیکہم کے بیٹے نے ایسا کیا کیا؟ جسے والدین کا بدترین خواب کہا جارہا ہے
اشاعت کی تاریخ: 21st, January 2026 GMT
انگلینڈ کے لیجنڈری سابق فٹبال اسٹار سر ڈیوڈ بیکہم کے بیٹے نے والدین پر سنگین الزامات عائد کرتے ہوئے کہا کہ وہ ان سے صلح نہیں کرنا چاہتا جب کہ اس بیان پر فٹبالر کا رد عمل بھی سامنے آگیا ہے۔
دنیا کے معروف فٹبالر ڈیوڈ بیکہم اور ان کی اہلیہ فیشن ڈیزائنر وکٹوریا بیکہم اپنے بڑے بیٹے بروکلن بیکہم کی وجہ سے آج کل خبروں کی زینت بنے ہوئے ہیں۔
رواں سال کے آغاز میں ڈیوڈ بیکہم نے خاندانی اختلافات کو بھلاکر نفرت کو محبت میں بدلتے ہوئے اپنے بیٹے سے صلح کرنے کا آغاز کیا اور جب انہیں برطانوی حکومت کی جانب سے انہیں ’سر‘ کا خطاب دیا گیا تو انہوں نے اس خوشی کے موقع پر اپنے تمام خاندان کو یاد رکھا۔
پیر کی رات بروکلن بیکہم نے انسٹاگرام پرایک طویل پوسٹ میں اپنے والدین ڈیوڈ بیکہم اور وکٹوریہ بیکہم کے خلاف اپنے دل کی بھڑاس نکالی اور تفصیل سے تعلقات میں کشیدگی کی وجوہات بیان کیں۔
26 سالہ بروکلن بیکہم نے ایک طویل انسٹاگرام بیان میں اپنے والدین، ڈیوڈ اور وکٹوریہ بیکہم، پر الزام لگایا کہ وہ خاندان سے متعلق بیانیے کو کنٹرول کرتے رہے اور ان کی شادی میں مداخلت کی کوشش کی۔
اپنی پوسٹ میں ان کا کہنا تھا کہ میں اپنے خاندان سے مفاہمت نہیں چاہتا اور اپنی زندگی میں پہلی بار اپنے لیے کھڑا ہوا ہوں۔
https://x.
جس پر سوشل میڈیا صارفین کی جانب سے رد عمل بھی سامنے آیا اور کچھ لوگوں کا ماننا ہے کہ انہیں یہ شکایتیں سوشل میڈیا کے بجائے اپنے والدین سے کرنی چاہیے تھیں اور اپنے والدین کے خلاف شکوے شکایتوں پر مشتمل ایک سوشل میڈیا پوسٹ ہر جدید والدین کا بدترین خواب ہے۔
بعد ازاں، عالمی شہرت یافتہ فٹبالر ڈیوڈ بیکہم نے بیٹے کی پوسٹ پر ردعمل دیتے ہوئے کہا کہ والدین کو اپنے بچوں کو غلطیاں کرنے کی اجازت دینی چاہیے کیوں کہ بعض اوقات بچے خود اپنی غلطیوں سے سیکھتے ہیں۔
تنازع کی شروعات
بروکلن بیکہم کا کہنا تھا کہ 2022 میں ہونے والی ان کی شادی کے دوران اس وقت کشیدگی میں اضافہ ہوا جب وکٹوریہ بیکہم نے تقریب سے کچھ ہی دن پہلے نکولا کے عروسی لباس کو ڈیزائن کرنے کا منصوبہ منسوخ کر دیا جب کہ مجھ پر اپنے نام کے حقوق حوالے کرنے کے لیے دباؤ ڈالا گیا۔
Brooklyn Beckham and Nicola Peltz are vital explanation that a life but adversity produces people who upset nuisance with trauma.
They honestly trust they are suffering—not from war, hunger, displacement, or loss—but from a marriage dress feud and a painfully… pic.twitter.com/lTwcrDNzHm
— MKKM (@michekyakeymii) January 19, 2026
بروکلن نے دعویٰ کیا کہ ان کی والدہ نے نکولا کے ساتھ ان کا پہلا ڈانس ہائی جیک کر لیا، جسے انہوں نے توہین آمیز لمحہ قرار دیتے ہوئے کہا کہ یہ ڈانس کئی ہفتے پہلے سے طے شدہ تھا اور ایک رومانوی گانے پر ہونا تھا۔
بروکلن نے یہ بھی الزام لگایا کہ شادی سے چند ہفتے قبل ان کے والدین نے ان پر بار بار دباؤ ڈالا اور رشوت دینے کی کوشش کی تاکہ وہ اپنے نام کے حقوق سے دستبردار ہو جائیں۔
TagsShowbiz News Urdu
ذریعہ
ذریعہ: Al Qamar Online
کلیدی لفظ: پاکستان کھیل بروکلن بیکہم اپنے والدین ڈیوڈ بیکہم نے والدین بیکہم نے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار