کیا مدیحہ امام بھارت میں کام کرنے کی خواہاں ہیں؟
اشاعت کی تاریخ: 22nd, January 2026 GMT
بھارتی شہری سے شادی کرنے والی معروف پاکستانی اداکارہ مدیحہ امام نے بھارت میں کام کرنے سے متعلق اپنے خیالات کا اظہار کردیا۔
حال ہی میں مدیحہ امام نے نجی ٹی وی چینل کے پروگرام میں بطور مہمان شرکت کی، جہاں انہوں نے مختلف امور پر اپنے خیالات کا اظہار کیا۔
دورانِ انٹرویو انہوں نے بھارت میں کام کرنے کے حوالے سے گفتگو کی اور کہا کہ میرا خیال ہے کہ فنکاروں کو دنیا بھر میں کام کرنا چاہیے، لیکن یہ ایک حساس معاملہ بھی ہے، اس لیے انسان کو سوچ سمجھ کر فیصلے کرنے چاہیں۔
اداکارہ نے کہا کہ فنکاروں کو ہر جگہ کام کی آزادی ہونی چاہیے، پوری دنیا ایک بڑے کینوس کی مانند ہونی چاہیے اور آپ جہاں چاہیں اپنی تخلیق پیش کر سکیں۔ تاہم، حساسیت کو مدنظر بھی مدِ نظر رکھنا چاہیے۔
بھارت سے اپنی پسندیدہ بالی ووڈ اداکارہ کو پاکستان مدعو کرنے کے سوال پر مدیحہ امام نے مزید کہا کہ اگر ودیا بالن پاکستان آئیں تو وہ ہماری ٹیلی وژن انڈسٹری کے لیے ایک بہترین اضافہ ثابت ہو سکتی ہیں۔ اگر مجھے بالی ووڈ سے کسی ایک کو بلانے کا موقع ملا تو میں ودیا بالن کو دعوت دوں گی۔
.
ذریعہ
ذریعہ: Daily Mumtaz
کلیدی لفظ: میں کام
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا