کراچی میں 100 بچوں سے بدفعلی کے ملزم کا ڈی این اے 8 متاثرین سے میچ کر گیا
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: محمود آباد کے علاقے میں 100 سے زائد بچوں سے مبینہ بدفعلی کے سنگین مقدمے میں تفتیش کے دوران اہم پیش رفت سامنے آئی ہے۔
میڈیا رپورٹس میں تفتیشی حکام کے حوالے سے بتایا گیا ہے کہ مرکزی ملزم عمران کا ڈی این اے کم از کم 8 متاثرہ بچوں کے نمونوں سے میچ کر گیا ہے، جس کے بعد کیس میں شواہد مزید مضبوط ہو گئے ہیں اور قانونی کارروائی میں تیزی آ گئی ہے۔
نجی ٹی وی رپورٹ کے مطابق ڈی این اے نتائج موصول ہونے کے بعد تفتیشی اداروں نے کیس کا دائرہ وسیع کر دیا ہے جب کہ مزید متاثرہ بچوں کی نشاندہی اور ممکنہ سہولت کاروں کے کردار کی بھی جانچ کی جا رہی ہے۔ حکام کا کہنا ہے کہ یہ نتائج عدالت میں مضبوط ثبوت کے طور پر پیش کیے جائیں گے، جس سے ملزم کو قرار واقعی سزا دلوانے میں مدد ملے گی۔
تفتیشی ذرائع نے انکشاف کیا ہے کہ ملزم عمران کا پنجاب سے بھی مجرمانہ ریکارڈ حاصل کر لیا گیا ہے۔ ریکارڈ کے مطابق 2018 سے 2023 کے دوران ملتان اور گردونواح میں اس کے خلاف 8 مختلف مقدمات درج رہے، جن میں بچوں سے بدفعلی، اغوا اور اقدام قتل جیسے سنگین جرائم شامل ہیں۔ اس انکشاف نے قانون نافذ کرنے والے اداروں کی کارکردگی پر بھی سوالات اٹھا دیے ہیں کہ اتنے سنگین مقدمات کے باوجود ملزم کیسے آزاد گھومتا رہا۔
ذرائع کے مطابق ملزم کی اہلیہ 2024 میں بچوں سمیت اسے چھوڑ کر فیصل آباد منتقل ہو گئی تھی، تاہم اس کے باوجود ملزم مختلف اوقات میں پنجاب آتا جاتا رہا۔ پولیس کا کہنا ہے کہ ملزم اس وقت 4 روزہ جسمانی ریمانڈ پر ہے اور اس سے مزید تفتیش جاری ہے تاکہ متاثرہ خاندانوں کو انصاف فراہم کیا جا سکے۔
.
ذریعہ
ذریعہ: Jasarat News
پڑھیں:
میئر ظہران ممدانی نے نیویارک میں بچوں کا بیڈ ٹائم کیوں معطل کردیا؟
نیویارک شہر کے کم عمر باسکٹ بال شائقین کے لیے ’بیڈ ٹائم‘ سے متعلق ایک دلچسپ خبر سامنے آئی ہے۔
نیویارک کے میئر ظہران ممدانی نے ایک خصوصی انتظامی حکم نامے پر دستخط کرتے ہوئے اعلان کیا ہے کہ این بی اے فائنلز کے دوران بچوں کے سونے کے معمول کے اوقات عارضی طور پر منسوخ تصور کیے جائیں گے تاکہ وہ اپنی پسندیدہ ٹیم نیویارک نکس کے تمام میچز بلا رکاوٹ دیکھ سکیں۔
یہ بھی پڑھیں: نماز عیدالاضحیٰ: نیویارک کے میئر ظہران ممدانی کی منفرد انداز میں شرکت
یکم جون کو جاری کیے گئے اس علامتی حکم نامے میں کہا گیا کہ سونے کے اوقات ’نیویارک کے سب سے پیارے بچوں‘ کو نکس کی حوصلہ افزائی کرنے اور میچ کا ایک ایک لمحہ دیکھنے سے نہیں روک سکتے۔
اس موقع پر میئر ممدانی کے ساتھ نکس کے رنگوں میں ملبوس بچوں کا ایک گروپ بھی موجود تھا، جنہوں نے اپنے ہاتھوں کے نشانات لگا کر علامتی طور پر اس حکم نامے پر دستخط کیے۔
Today, I signed an Executive Order temporarily repealing bedtimes in the City of New York so that kids of all ages can watch our team in the NBA Finals.
As Mayor, you’re forced to make many difficult decisions. This was not one of them.
Go Knicks. pic.twitter.com/DqjNtVh17h
— Mayor Zohran Kwame Mamdani (@NYCMayor) June 1, 2026
میئر ممدانی نے سوشل میڈیا پلیٹ فارم ایکس پر اپنے پیغام میں کہا کہ میئر کی حیثیت سے آپ کو کئی مشکل فیصلے کرنے پڑتے ہیں، لیکن یہ ان میں سے ایک نہیں تھا۔
انہوں نے اپنی پوسٹ کے اختتام پر ’گو نکس‘ کا نعرہ بھی لگایا۔
این بی اے فائنلز میں نیویارک نکس اور سان انتونیو اسپرس کے درمیان تمام میچز رات ساڑھے 8 بجے (مشرقی امریکی وقت) شروع ہوں گے۔
سیریز کے پہلے، تیسرے اور چوتھے میچ تعلیمی دنوں سے قبل رات کو کھیلے جائیں گے، جبکہ اگر ضرورت پڑی تو چھٹا میچ بھی اسکول کی رات میں ہوگا۔
ایسے میں بچوں کے لیے دیر تک جاگ کر میچ دیکھنا ایک اہم مسئلہ بن سکتا تھا۔
مزید پڑھیں: ظہران ممدانی کی نیو یارک میں اسٹیٹ ٹیکس میں بڑی کمی کی تجویز
نیویارک نکس کی این بی اے فائنلز میں رسائی شہر بھر میں غیرمعمولی جوش و خروش کا باعث بنی ہوئی ہے۔
یہ 1999 کے بعد پہلی مرتبہ ہے کہ نکس فائنلز میں پہنچی ہے، آخری بار فائنلز میں انہیں ٹم ڈنکن اور ڈیوڈ رابنسن کی قیادت میں سان انتونیو اسپرس نے شکست دی تھی۔
نکس کی 27 سالہ طویل انتظار کے بعد فائنلز میں واپسی نے باسکٹ بال کے دیوانے نیویارک شہر کو یکجا کر دیا ہے۔
اسپورٹس تجزیہ کاروں کے مطابق نیویارک میں نکس کا فائنلز میں پہنچنا سپر باؤل سے بھی بڑا واقعہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باسکٹ بال سان انتونیو اسپرس ظہران ممدانی میئر نیویارک نیویارک نکس
وزارت آئی ٹی نے 1.67 ارب روپے سے زاید کے فنڈز طلب کرلیے