کراچی میں موسلا دھار بارش اور تیز ہواؤں کا سلسلہ جاری
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: شہر قائد کے مختلف علاقوں میں آج سے تیز ہواؤں کے ساتھ بارش کا سلسلہ شروع ہو گیا ہے، جس سے شہریوں کی زندگی متاثر ہو رہی ہے اور موسم مزید سرد ہو گیا ہے۔
نجی ٹی وی کی رپورٹ کے مطابق سرجانی ٹاؤن، ملیر، مشرف کالونی اور دیگر گردونواح میں گرج چمک کے ساتھ بارش ہوئی، جس نے موسم کے رُخ میں اچانک تبدیلی لے آئی۔
محکمہ موسمیات کے مطابق شہر میں آئندہ 24 گھنٹوں کے دوران مطلع جزوی ابر آلود رہنے کا امکان ہے اور جمعہ سے سردی کی شدت میں اضافہ متوقع ہے۔ محکمہ نے کم سے کم درجہ حرارت 7 ڈگری سینٹی گریڈ اور زیادہ سے زیادہ 25 ڈگری سینٹی گریڈ رہنے کی پیش گوئی کی ہے۔
ماہرین نے شہریوں کو متنبہ کیا ہے کہ سردی کی موجودہ لہر میں خاص طور پر صبح اور رات کے اوقات میں گرم لباس پہننا ضروری ہے۔ بارش کے باعث سڑکوں پر پھسلن کے خدشات بڑھ گئے ہیں اور ٹریفک کی روانی متاثر ہونے کا امکان ہے، لہٰذا ڈرائیورز اور عام شہریوں کو محتاط رہنے کی ہدایت کی گئی ہے۔
محکمہ موسمیات نے مزید کہا کہ تیز ہواؤں اور بارش کے اثرات سے نمٹنے کے لیے شہری اپنے رہائشی علاقوں میں حفاظتی اقدامات کریں اور ضرورت کے وقت غیر ضروری سفر سے گریز کریں۔
یہ موسمی صورتحال شہر کے روزمرہ معمولات پر اثر ڈالنے کے ساتھ ساتھ شہریوں کی صحت اور ٹریفک کے نظام کے لیے بھی چیلنج ثابت ہو سکتی ہے، جس کے پیش نظر شہریوں کو محتاط اور ہوشیار رہنے کی ضرورت ہے۔
ویب ڈیسک
دانیال عدنان
ذریعہ
ذریعہ: Jasarat News
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار