کراچی سیف سٹی پروجیکٹ شہر کیلئے اہم ہے: وزیر اعلیٰ سندھ
اشاعت کی تاریخ: 22nd, January 2026 GMT
—فائل فوٹو
وزیر اعلیٰ سندھ مراد علی شاہ کا کہنا ہے کہ کراچی سیف سٹی پروجیکٹ شہر کے لیے اہم ہے، کراچی کی سیکیورٹی پر کوئی سمجھوتہ نہیں کیا جائے گا۔
سید مراد علی شاہ کی زیر صدارت سندھ سیف سٹیز اتھارٹی کا اجلاس ہوا جس میں اظہار خیال کرتے ہوئے انہوں نے کہا کہ ای چالان متعارف کرانے کے بعد اب سیف سٹی کا پہلا فیز لانچ کرنے والے ہیں۔
اجلاس میں وزیر داخلہ سندھ نے بتایا کہ سیف سٹی پروجیکٹ میں 1300 کیمرے اور 300 پول سائٹس پر نصب کیے جا چکے ہیں۔ کراچی سیف سٹی پروجیکٹ کے کیمروں اور ٹیکنالوجی کی تنصیب مکمل ہے۔
وزیر اعلیٰ سندھ نے کہا کہ دو ماہ کے اندر کراچی سیف سٹی پروجیکٹ فعال کیا جائے گا۔
انہوں نے کہا کہ جس وقت آگ کی اطلاع دی گئی اس وقت کسی کو اندازہ نہیں تھا کہ آگ کتنی شدت کی تھی، ایک گھنٹے میں پورے گل پلازا میں آگ پھیل گئی۔
وزیر داخلہ سندھ نے کہا کہ شہر میں 254 کلومیٹر فائیبر کیبل بچھا چکے ہیں، 18 پوائنٹس آف پریزنس اور 23 ایمرجنسی ریسپانس گاڑیاں فیز ون کا حصہ ہیں۔
ترجمان کے مطابق اجلاس میں سیف سٹی پروجیکٹ کے لیے 34 ماہر تکنیکی و انتظامی افسران کی بھرتی اور 200 ملین روپے کا نظرثانی شدہ بجٹ کی منظوری دی گئی ہے۔
اجلاس میں فیصلہ کیا گیا کہ سیف سٹی اتھارٹی عارضی طور پر سینٹرل پولیس آفس سے کام کرے گی۔
وزیر اعلیٰ سندھ نے کہا کہ حیدرآباد اور سکھر میں بھی سیف سٹی منصوبہ لانے کے لیے کام کر رہے ہیں۔
.
ذریعہ
ذریعہ: Jang News
کلیدی لفظ: کراچی سیف سٹی پروجیکٹ وزیر اعلی نے کہا کہ
پڑھیں:
پاکستان اور کویت جاری سفارتی کوششوں کے مثبت نتائج کیلئے پرامید
وزیر خارجہ اسحاق ڈار نے کویت کے وزیر خارجہ شیخ جراح جابر الاحمد الصباح سے رابطہ کیا، دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
ترجمان دفتر خارجہ کا کہنا ہے کہ کویتی وزیر خارجہ نے امریکا اور ایران کے درمیان رابطوں میں پاکستان کے کردار کو سراہا، کویتی وزیر خارجہ نے علاقائی امن و استحکام کیلئے پاکستان کی کوششوں کی تعریف کی۔
اسحاق ڈار نے خطے میں پائیدار امن کیلئے سفارتکاری اور مذاکرات کی حمایت کا اعادہ کیا، پاکستان نے مسائل کے حل کیلئے مسلسل سفارتی روابط کو ترجیحی راستہ قرار دیا۔
دفتر خارجہ کا کہنا ہے کہ دونوں رہنماؤں نے جاری سفارتی کوششوں کے مثبت نتائج کی امید ظاہر کی۔
اس موقع پر پاکستان اور کویت کے درمیان برادرانہ تعلقات مزید مضبوط بنانے اور مستقبل میں قریبی رابطے برقرار رکھنے پر اتفاق کیا گیا۔
وزارت آئی ٹی نے 1.67 ارب روپے سے زاید کے فنڈز طلب کرلیے