اسلام آباد میں گیس سلنڈرز کی دکان میں دھماکہ، پانچ افراد زخمی
اشاعت کی تاریخ: 22nd, January 2026 GMT
اسلام آباد کے علاقے کورال شریف آباد میں گیس سلنڈرز کی دکان میں دھماکے کے نتیجے میں پانچ افراد جھلس کر زخمی ہو گئے۔
ریسکیو حکام کے مطابق دھماکے کے فوراً بعد دکان میں آگ بھڑک اٹھی، تاہم ریسکیو ٹیموں نے بروقت کارروائی کرتے ہوئے آگ پر قابو پا لیا۔ ابتدائی اطلاعات کے مطابق دھماکا گیس لیکیج کے باعث پیش آیا، جس کے بعد دکان میں موجود سلنڈرز نے آگ پکڑ لی۔
ڈپٹی کمشنر اسلام آباد عرفان میمن نے بتایا کہ واقعے میں زخمی ہونے والے پانچوں افراد کو فوری طور پر قریبی اسپتال منتقل کر دیا گیا ہے۔ ان کا کہنا تھا کہ بظاہر آگ سلنڈر بھرنے کے دوران لگی، تاہم واقعے کی وجوہات کی مزید تحقیقات کی جا رہی ہیں۔
ڈی سی اسلام آباد نے حفاظتی اقدامات کے پیش نظر متعلقہ سلنڈر شاپ کو فوری طور پر سیل کرنے کا حکم دے دیا ہے اور ضلعی انتظامیہ کو شہر بھر میں ایسی دکانوں کے خلاف کارروائی کی ہدایت بھی جاری کر دی ہے۔
ذریعہ
ذریعہ: Daily Mumtaz
کلیدی لفظ: اسلام ا باد دکان میں
پڑھیں:
کوہاٹ میں گاڑی پر فائرنگ سے کسٹم اہلکار شہید، ایک شخص زخمی
فائل فوٹوکوہاٹ میں پنڈی پل ٹول پلازا کے قریب گاڑی پر فائرنگ میں کسٹم اہلکار جاں بحق اور ایک شخص زخمی ہوگیا۔
پولیس کے مطابق شہید کسٹم اہلکار کی شناخت یاسر شاہ کے نام سے ہوئی ہے۔ شہید اہلکار کی لاش اور زخمی کو اسپتال منتقل کردیا گیا ہے۔
ڈی پی او کا کہنا ہے کہ دہشت گردوں کی گرفتاری کے لیے آپریشن جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار