سانحہ گل پلازہ: تحقیقات میں تیزی، ایس بی سی اے نے مکمل ریکارڈ جمع کروا دیا
اشاعت کی تاریخ: 22nd, January 2026 GMT
کراچی:
گل پلازہ سانحہ کی تحقیقات میں تیزی آ گئی ہے، سندھ بلڈنگ کنٹرول اتھارٹی (ایس بی سی اے) نے واقعے کے 4 روز بعد عمارت سے متعلق مکمل ریکارڈ کمشنر کراچی کو پیش کر دیا۔
ذرائع کے مطابق ایس بی سی اے نے کمشنر کراچی کو مجموعی طور پر سات فائلیں جمع کرائیں، جن میں سے تین فائلیں گل پلازہ سے متعلق زیر التواء عدالتی کیسز پر مشتمل ہیں۔ یہ کیسز 1992، 2015 اور 2021 میں گل پلازہ کی عمارت کے حوالے سے دائر کیے گئے تھے۔
جمع کرائی گئی فائلوں میں عمارت میں خلافِ ضابطہ تعمیرات کے دستاویزات، ریوائز پروپوزڈ بلڈنگ پلان، ریگولرائزیشن پلان اور عمارت کی منظوری سے متعلق رپورٹ فائل بھی شامل ہے۔ حکام کے مطابق گل پلازہ کے ریکارڈ میں ریگولرائزیشن اور نظرثانی شدہ منصوبوں کے کاغذات بھی موجود ہیں۔
کراچی ڈویژن نے گل پلازہ کی اصل فائلیں ایڈیشنل کمشنر کے دفتر کے حوالے کیں، جو پلاٹ نمبر 32، پی آر-01، پریڈی کوارٹرز، ضلع ساؤتھ سے متعلق ہیں۔ فائلوں میں عدالتی کیسز، خلاف ضابطہ تعمیرات، رپورٹس اور ریگولرائزیشن پلان کی مکمل تفصیلات شامل ہیں۔
تفصیلات کے مطابق عدالت کیس فائل سی پی نمبر 4138/2015 میں 86 صفحات اور نوٹنگ شامل ہے، جبکہ سی پی نمبر 971/2021 کی فائل 50 صفحات پر مشتمل ہے۔ اسی طرح سی پی نمبر 1081/92 کی فائل میں 16 صفحات اور نوٹنگ موجود ہے۔
خلاف ضابطہ تعمیرات سے متعلق فائل میں 6 صفحات کی خط و کتابت شامل ہے۔ ریوائز پروپوزڈ بلڈنگ پلان کی فائل 57 صفحات پر مشتمل ہے جس میں 6 صفحات کی نوٹنگ شامل ہے۔ رپورٹ فائل میں مجموعی طور پر 135 صفحات اور 7 صفحات کی نوٹنگ موجود ہے، جبکہ ریگولرائزیشن فائل میں 41 صفحات اور 7 صفحات کی نوٹنگ شامل کی گئی ہے۔
حکام کے مطابق جمع کرائے گئے ریکارڈ کی روشنی میں گل پلازہ سانحہ کی ذمہ داریوں کا تعین کیا جائے گا اور تحقیقات کے بعد مزید قانونی کارروائی عمل میں لائی جائے گی۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان پاکستان کھیل صفحات اور گل پلازہ کے مطابق فائل میں صفحات کی شامل ہے
پڑھیں:
تیزی سے بڑھتی آبادی ملک کیلئے سب سے بڑا چیلنج ہے: وزیراعظم
وزیراعظم شہباز شریف نے تیزی سے بڑھتی آبادی کو ملک کے لیے چیلنج قرار دے دیا۔وزیراعظم شہبازشریف کی زیرصدارت ملک میں بہبود آبادی کے حوالے سے جائزہ اجلاس ہوا جس میں وزیراعظم نے نیشنل پاپولیشن کونسل کا اجلاس جلد از جلد بلانے کی ہدایت کی۔شہباز شریف نے کہا کہ تیزی سے بڑھتی ہوئی آبادی ملک کے لیے سب سے بڑا چیلنج ہے، آبادی پر قابو پانے کیلئے اقدامات اور بہبود آبادی کو قومی فریضہ سمجھا جانا چاہیے۔وزیراعظم کا کہنا تھا کہ آبادی میں توازن ہی پائیدار قومی ترقی کی ضمانت ہے، آبادی کی منصوبہ بندی کو قومی ترقی اور معاشی استحکام سے ہم آہنگ کرنے کی ضرورت ہے، بہبود آبادی اقدامات سے متعلق صوبوں کے ساتھ روابط اور ہم آہنگی مزید بہتر بنائی جائے، بڑھتی ہوئی آبادی پر قابو پانے کے مؤثر عوامی آگہی مہم کا کلیدی کردار ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا