ٹیلر سوئفٹ اور بلیک لائیولی کی دوستی میں دراڑ، لیک ہونے والے پیغامات نے اختلافات بے نقاب کر دیے
اشاعت کی تاریخ: 22nd, January 2026 GMT
امریکی پاپ اسٹار ٹیلر سوئفٹ اور ان کی دیرینہ دوست بلیک لائیولی کے درمیان پیغامات منظر عام پر آنے کے بعد دونوں کی دوستی میں پیدا شدہ اختلافات سامنے آ گئے ہیں۔
رپورٹس کے مطابق، یہ دوستی اس وقت کمزور ہونا شروع ہوئی تھی جب عوام کو اس تنازع کا علم نہیں تھا۔ معاملہ اس وقت منظرِ عام پر آیا جب بلیک لائیولی کے جسٹن بالڈونی کے خلاف کیس کی قانونی دستاویزات میں دونوں دوستوں کے مبینہ ٹیکسٹ پیغامات شامل تھے۔
ایک پیغام میں بلیک لائیولی نے لکھا:
پوچھنے کی کوئی خاص وجہ نہیں، لیکن نہ جانے کیوں مجھے ایسا لگ رہا ہے کہ مجھے پوچھ لینا چاہیے، کیا سب ٹھیک ہے؟”
انہوں نے مزید کہا:”مجھے لگتا ہے میں ایک بری دوست رہی ہوں کیونکہ میں کئی مہینوں سے اداس تھی اور صرف اپنی ہی باتیں کرتی رہی، لیکن اس دوران تم نے نہ صرف میرا سب سے بڑا سہارا بن کر بہت فراخ دلی دکھائی بلکہ مجھے اس حالت میں ہونے پر معاف بھی کیا۔”
ٹیلر سوئفٹ نے تقریباً ایک گھنٹے بعد جواب دیا:”مجھے لگتا ہے میں اپنی زندگی کے ہر پہلو میں بہت تھک چکی ہوں اور پچھلے چند مہینوں سے یہ محسوس کر رہی تھی کہ تمہارا مجھ سے بات کرنے کا انداز بدل رہا ہے۔”
انہوں نے مزید کہا:”مجھے بس اپنی وہی ہنس مکھ، قدرے تلخ مزاح رکھنے والی، سادہ انداز میں بات کرنے والی دوست یاد آتی ہے جو مجھ سے بات کرتی تھی، اور میں جانتی ہوں کہ تمہیں بے وجہ ہر طرف سے تنقید کا سامنا ہے، اسی لیے تم ہر بات کی حد سے زیادہ وضاحت کرنے کی کوشش کرتی ہو۔ اسی وجہ سے ہمارے درمیان تھوڑا سا فاصلہ آ گیا۔ تمہیں معذرت کرنے کی ضرورت نہیں، بس واپس آ جاؤ، پلیز۔”
بعد ازاں بلیک لائیولی نے ٹیلر سوئفٹ کے خدشات کو تسلیم کیا اور کہا کہ وہ خود کو غلط سمجھے جانے کے خوف کی وجہ سے سادہ باتوں کو حد سے زیادہ بڑھا چڑھا کر بیان کر رہی تھیں۔ انہوں نے اعتراف کیا کہ اچھے لوگ خاموشی سے دور ہو جاتے ہیں، جس سے وہ بہت خوفزدہ ہو گئی تھیں۔
یہ پیغامات ٹیلر سوئفٹ کے ایراز ٹور کے اختتام سے چند دن پہلے بھیجے گئے تھے اور یہ ظاہر کرتے ہیں کہ دباؤ اور غلط فہمیوں نے کس طرح ان کی دیرینہ دوستی کے خاتمے میں اہم کردار ادا کیا۔
ذریعہ
ذریعہ: Daily Mumtaz
کلیدی لفظ: ٹیلر سوئفٹ
پڑھیں:
بلاول بھٹو نے مظفرآباد اور دیگر علاقوں میں بھی انٹرنیٹ پابندیاں جلد ختم ہونے کی امید ظاہر کر دی
سٹی 42: میرپور میں انٹرنیٹ کی بحالی جلد متوقع، بلاول بھٹو زرداری نے سوشل میڈیا پر بیان دیا ۔
بلاول بھٹو نے مظفرآباد اور دیگر علاقوں میں بھی انٹرنیٹ پابندیاں جلد ختم ہونے کی امید ظاہر کر دی۔ بلاول بھٹو زرداری نے کہا آزاد کشمیر پیپلز پارٹی کی کوششوں اور آزاد جموں و کشمیر الیکشن کمیشن کی بروقت مداخلت پر شکر گزار ہوں،اطلاعات ہیں کہ میرپور میں جلد انٹرنیٹ اور ڈیجیٹل رابطے بحال کر دیے جائیں گے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
امید ہے مظفرآباد اور دیگر علاقوں میں بھی انٹرنیٹ بحالی کی درخواستیں جلد منظور کر لی جائیں گی، امید ہے آزاد کشمیر کے عوام کو جلد مکمل مواصلاتی سہولیات میسر آئیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا