جماعتِ اسلامی حلقہ خواتین کے وفد کا جاوداں فہیم کی قیادت میں دفتر روزنامہ جسارت کا دورہ
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: جماعتِ اسلامی (حلقہ خواتین) کراچی کی ناظمہ جاوداں فہیم کی قیادت میں خواتین کے ایک وفد نے روزنامہ جسارت کے دفتر کا دورہ کیا۔ اس موقع پر روزنامہ جسارت کے چیف آپریٹنگ آفیسر سید طاہر اکبر نے وفد کو ادارے کی صحافتی، انتظامی اور ڈیجیٹل سرگرمیوں کے حوالے سے تفصیلی بریفنگ دی۔
وفد میں نائب ناظماتِ کراچی فرح عمران، ہاجرہ عرفان، سمیہ عاصم، معاون کراچی سمیہ اسلم، سیکریٹری اطلاعات کراچی ثمرین احمد، نگراں ادبی کمیٹی کراچی عشرت زاہد کے علاوہ معروف رائٹرز غزالہ عزیز اور فائزہ مشتاق شامل تھیں، جبکہ عرفان احمد اور سید عامر اشرف بھی اس موقع پر موجود تھے۔
ملاقات کے دوران ملک کی موجودہ سیاسی، سماجی اور معاشرتی صورتحال، خواتین کو درپیش مسائل، میڈیا کے مثبت اور تعمیری کردار، اسلامی اقدار کے فروغ اور صحافت میں خواتین کی مؤثر نمائندگی پر تفصیلی تبادلہ خیال کیا گیا۔ اس موقع پر اس امر پر زور دیا گیا کہ معاشرے میں اصلاح، شعور کی بیداری اور مثبت تبدیلی کے لیے نظریاتی اور ذمہ دار صحافت کا کردار ناگزیر ہے۔
خواتین کے وفد نے روزنامہ جسارت کی صحافتی خدمات کو سراہتے ہوئے کہا کہ جسارت نے ہمیشہ حق، صداقت اور معاشرتی اقدار کے تحفظ پر مبنی صحافت کو فروغ دیا ہے۔ سید طاہر اکبر نے اس موقع پر کہا کہ روزنامہ جسارت جدید تقاضوں سے ہم آہنگ ہو کر ڈیجیٹل میڈیا سمیت صحافت کے تمام شعبوں میں اپنی پیشہ ورانہ ذمہ داریاں بھرپور انداز میں انجام دے رہا ہے۔
بعد ازاں وفد نے جسارت ڈیجیٹل سمیت ادارے کے مختلف شعبہ جات کا دورہ کیا، جہاں انہیں ادارتی، ڈیجیٹل اور تکنیکی امور کے بارے میں آگاہ کیا گیا۔ وفد نے جسارت ڈیجیٹل کی مؤثر کارکردگی اور جدید میڈیا پلیٹ فارمز پر فعال موجودگی کو سراہتے ہوئے امید ظاہر کی کہ مستقبل میں میڈیا اور سماجی ادارے باہمی تعاون سے مثبت اور تعمیری کردار ادا کرتے رہیں گے۔
ذریعہ
ذریعہ: Jasarat News
کلیدی لفظ: وفد نے
پڑھیں:
لاہور بلدیاتی الیکشن، 159 یوسیز کا اضافہ، مجموعی تعداد 433 ہوگئی
فائل فوٹوڈسٹرکٹ الیکشن کمیشن نےلاہور میں بلدیاتی الیکشن کی نئی حلقہ بندیوں کی ابتدائی فہرست جاری کر دی ہے، جن میں 159 یونین کونسلز کا اضافہ کیا گیا ہے۔
صوبائی دارالحکومت میں مجموعی طور پر 433 یونین کونسلز بنائی گئی ہیں، 2015 کے بلدیاتی الیکشن میں لاہور میں 274 یونین کونسلز تھیں۔
ڈسٹرکٹ الیکشن کمیشن لاہور کی ابتدائی فہرست کے مطابق راوی ٹاؤن 52، شالیمار میں 72، واہگہ ٹاؤن میں 25 یونین کونسل قائم کی گئی ہیں۔
ماڈل ٹاؤن میں 77، نشتر ٹاؤن میں 40 اور صدر کینٹ میں 29، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونین کونسل بنائی گئی ہیں۔
لاہور کے شہری 23 جون تک حلقہ بندیوں پر اعتراضات دائر کرسکتے ہیں، حلقہ بندیوں کی حتمی فہرست 10 اگست کو جاری ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ