احتجاجی کال قیادت سے مشاورت کے بعد ملتوی کی‘ حلیم عادل شیخ
اشاعت کی تاریخ: 23rd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) تحریک انصاف سندھ کے صدر حلیم عادل شیخ نے کہا ہے کہ سانحہ گل پلازہ پر آج کی احتجاجی کال سیاسی جماعتوں، بزنس کمیونٹی، تحریک تحفظ آئین پاکستان کی جماعتوں اور جی ڈی اے قیادت سے باہمی مشاورت کے بعد وقتی طور پر ملتوی کی گئی ہے۔ انہوں نے واضح کیا کہ پی ٹی آئی کسی صورت ریسکیو آپریشن اور ملبہ ہٹانے کے عمل میں رکاوٹ نہیں بننا چاہتی اور نہ ہی کرپٹ حکومت کو الزام تراشی کا موقع دیا جائے گا۔ حلیم عادل شیخ نے کہا کہ گل پلازہ پر پی ٹی آئی کا ریلیف کیمپ پہلے دن سے قائم ہے اور امدادی سرگرمیاں مسلسل جاری رہیں گی۔ انہوں نے بتایا کہ وہ خود موقع پر موجود رہے، صورتحال انتہائی افسوسناک ہے، کئی لاشیں تاحال ملبے تلے دبے ہونے کا خدشہ ہے، گزشتہ روز بھی ملبے سے لاشیں نکالی گئی ہیں جبکہ متعدد لاپتا افراد کی تلاش جاری ہے۔ انہوں نے واضح کیا کہ احتجاج ختم نہیں ملتوی کیا گیا ہے، اگر متاثرہ تاجروں کو مکمل معاوضہ فراہم نہ کیا گیا، اگر گل پلازہ کی ازسرِنو تعمیر عمل میں نہ لائی گئی اور اگر ذمے داروں کو قرار واقعی سزا نہ دی گئی تو پی ٹی آئی سندھ دیگر سیاسی جماعتوں کے ہمراہ دوبارہ احتجاج کا اعلان کرے گی۔
ذریعہ
ذریعہ: Jasarat News
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ