کراچی کا درجہ حرارت 8، سردی کی شدت 4 ڈگری سینٹی گریڈ محسوس کی جانے لگی
اشاعت کی تاریخ: 23rd, January 2026 GMT
ملک میں سردی کی شدت میں اضافہ ہوگیا، کراچی میں کم سے کم درجہ حرارت 8 ڈگری سینٹی گریڈ ریکارڈ کیا گیا جبکہ سردی 4 ڈگری سینٹی گریڈ کی محسوس کی جارہی ہے۔
کراچی میں شدید سردی کے سبب رات اور صبح کے اوقات میں ٹریفک میں نمایاں کمی نظر آئی۔
شہر میں رات بھر تیز ٹھنڈی ہوائیں چلتی رہیں، صبح کے اوقات میں ورزش کیلئے پارکوں کا رخ کرنے والے افراد کی تعداد بھی معمول سے کم رہی۔
دوسری جانب کوئٹہ میں درجہ حرارت منفی 9 ڈگری سینٹی گریڈ ریکارڈ کیا گیا، کوئٹہ میں سردی منفی 14 ڈگری سینٹی گریڈ کی محسوس کی جارہی ہے۔
چمن میں درجہ حرارت منفی 6 ڈگری ہے جبکہ سردی منفی 12 ڈگری سینٹی گریڈ کی محسوس کی جارہی ہے۔
ذریعہ
ذریعہ: Jang News
کلیدی لفظ: ڈگری سینٹی گریڈ محسوس کی
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ