کراچی: آج رات درجہ حرارت 7 سے 9 ڈگری سینٹی گریڈ رہنے کا امکان
اشاعت کی تاریخ: 22nd, January 2026 GMT
فوٹو: فائل
کراچی میں شمال مغرب سے سرد ہوائیں 20 کلومیٹر فی گھنٹہ کی رفتار سے چل رہی ہیں، آج رات کم سے کم درجہ حرارت 7 سے 9 ڈگری سینٹی گریڈ کے درمیان رہنے کا امکان ہے۔
محکمہ موسمیات کے مطابق بارش کے بعد سری میں اضافہ اور شہر کے فضائی معیار میں بھی بہتری آگئی ہے۔
کراچی کے مختلف علاقوں میں تیز ہواؤں کے ساتھ موسمِ سرما کی دوسری بارش ہوئی جس کے باعث موسم سرد اور خوشگوار ہوگیا جبکہ شہر کی فضائیں بھی صاف ہو گئیں۔
محکمہ موسمیات کے مطابق مغربی ہواؤں کا ایک نظام شہر کے شمال مغربی علاقوں سے داخل ہوا جس کے زیرِ اثر سرجانی ٹاؤن، گلشنِ معمار، اورنگی ٹاؤن، مشرف کالونی، ملیر، ناظم آباد اور دیگر علاقوں میں تیز ہواؤں کے ساتھ ہلکی سے معتدل شدت کی بارش ریکارڈ کی گئی۔
بارش کے بعد کراچی کے فضائی معیار میں نمایاں بہتری دیکھی گئی۔ دیر رات کو کوئٹہ کی سرد ہوائیں شہر کا رخ کر سکتی ہیں جس سے موسم مزید سرد ہو جائے گا۔ کراچی اتوار تک سردی کی لہر کی لپیٹ میں رہ سکتا ہے جبکہ رات کے درجہ حرارت میں نمایاں کمی کے ساتھ پارہ 7 سے 9 ڈگری سینٹی گریڈ تک گرنے کا امکان ہے۔
محکمہ موسمیات نے شہر میں ہونے والی بارش کے اعداد و شمار بھی جاری کر دیے ہیں۔ سب سے زیادہ بارش سرجانی ٹاؤن میں 26.
بحریہ ٹاؤن فیز 5 میں 14.2 ملی میٹر اور سعدی ٹاؤن میں 10 ملی میٹر بارش ریکارڈ کی گئی جس کے باعث موسم خوشگوار ہو گیا۔ ناظم آباد میں 6.5 ملی میٹر اور کورنگی میں 4 ملی میٹر بارش ہوئی۔
پی اے ایف مسرور بیس پر 3.0 ملی میٹر جبکہ فیصل بیس پر 2.0 ملی میٹر بارش ریکارڈ کی گئی۔
ڈی ایچ اے فیز 2 میں 1.0 ملی میٹر، جناح ٹرمینل پر 0.2 ملی میٹر اور یونیورسٹی روڈ کے اطراف 1.2 ملی میٹر بارش ہوئی۔
پرانے ایئرپورٹ اور کیماڑی کے علاقوں میں انتہائی معمولی بارش ریکارڈ کی گئی۔
ذریعہ
ذریعہ: Jang News
پڑھیں:
بجٹ میں کرپٹو کرنسی کے لین دین پر ٹیکس عائد کیے جانے کا امکان
اسلام آباد:نئے بجٹ میں کرپٹو ٹرانزیکشنز کو ٹیکس نیٹ میں لانے کے لیے کرپٹو ٹریڈنگ سے حاصل ہونے والے منافع پر کیپیٹل گین ٹیکس عائد کیے جانے کا امکان ہے۔
ذرائع کا کہنا ہے کہ کرپٹو ٹریڈنگ پر 10 سے 30 فی صد تک کیپیٹل گین ٹیکس نافذ کیا جا سکتا ہے اس بارے میں بین الاقوامی مالیاتی فنڈ (آئی ایم ایف) کی مشاورت کے بعد کرپٹو سیکٹر کو ٹیکس نیٹ میں شامل کرنے پر غور کیا جا رہا ہے۔
ذرائع کے مطابق آئی ایم ایف نے تمام ڈیجیٹل کاروبار سے حاصل ہونے والے گین پر ٹیکس عائد کرنے کا مطالبہ کیا ہے جبکہ کرپٹو لین دین میں کیپیٹل گین ٹیکس کی وصولی کی بھی تجویز دی گئی ہے۔
ذرائع کا کہنا ہے کہ انکم ٹیکس ایکٹ 2001ء کے سیکشن 37 میں کرپٹو ٹرانزیکشنز سے متعلق کیپیٹل گین کی شق شامل کیے جانے کا امکان ہے۔ اس سلسلے میں سیکشن 37 میں شق 37 سی کا اضافہ کر کے کرپٹو لین دین سے کیپیٹل گین وصول کیا جا سکتا ہے۔
ذرائع کے مطابق پاکستان میں تقریباً 90 لاکھ افراد کرپٹو کرنسی استعمال کرتے ہیں اور حکومت کو کرپٹو ٹرانزیکشنز سے اربوں روپے اضافی ریونیو حاصل ہونے کی توقع ہے اور کرپٹو ٹریڈنگ سے حاصل ہونے والا منافع جلد ٹیکس کے دائرے میں آ سکتا ہے۔
ذرائع کا مزید کہنا ہے کہ پاکستان ورچوئل ایسیٹ ریگولیٹری اتھارٹی کو کرپٹو صارفین کے لیے ٹیکس اقدامات تجویز کرنے کی ہدایات دی گئی تھیں، جب کہ کرپٹو صارفین کی تعداد، ٹرانزیکشنز اور ٹیکس میکنزم کا جائزہ لینے کے لیے ایک کمیٹی بھی قائم کی گئی تھی۔
ذرائع کا کہنا ہے کہ چند ماہ قبل مرکزی بینک نے ورچوئل اثاثوں کو قانونی حیثیت دینے اور ڈیجیٹل کرنسی متعارف کرانے کا فیصلہ کیا تھا۔ اس اقدام کے تحت پاکستانی روپے کو ڈیجیٹل کرنسی میں تبدیل کر کے ورچوئل اثاثوں کی خریداری ممکن بنائی جا سکے گی، جب کہ پاکستانی روپے کی شکل میں موجود رقم کو کرپٹو کرنسی میں ایکسچینج بھی کیا جا سکے گا۔
ذرائع کے مطابق ورچوئل اثاثوں کو اشیا، خدمات اور ایکو سسٹم سے باہر خریداری کے لیے استعمال نہیں کیا جا سکے گا، جب کہ ڈیجیٹل کرنسی صرف ورچوئل اثاثوں کے لیے پاکستان میں قائم دفاتر کو جاری کی جائے گی۔
ذرائع کا مزید کہنا ہے کہ کرپٹو کرنسی کے لیے قانونی فریم ورک بھی تیار کیا جا چکا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ