بچی کی بالیاں نوچنے والا پولیس تحویل سے فرار ملزم مقابلے کے بعد زخمی حالت میں گرفتار
اشاعت کی تاریخ: 23rd, January 2026 GMT
راولپنڈی:
معصوم بچی کے کانوں سے سونے کی بالیاں نوچنے میں ملوث ملزم کو تھانہ دھمیال کے علاقے میں پولیس مقابلے کے دوران زخمی حالت میں دوبارہ گرفتار کر لیا گیا۔
پولیس کے مطابق مقابلے کے دوران ملزم کے 2 ساتھی فرار ہوگئے، جن کی گرفتاری کے لیے چھاپے مارے جا رہے ہیں۔
چند روز قبل اشرف کالونی کے علاقے میں گلی میں کھیلتی 3 سے 4 سالہ بچی کے کانوں سے سونے کی بالیاں نوچ کر فرار ہونے والے ذیشان نامی ملزم کو پولیس نے گرفتار کر کے تفتیش شروع کی تھی، ساتھ ہی بچی کے کانوں سے نوچی گئی سونے کی بالیاں بھی برآمد کرلی تھیں، تاہم گزشتہ شب ملزم کو مزید شواہد کی برآمدگی اور نشاندہی کے لیے پولیس تحویل میں لے جایا جا رہا تھا کہ اس دوران وہ فرار ہو گیا۔
پولیس نے فوری طور پر ملزم کا تعاقب شروع کیا اور ایک مقام پر ملزم کی اپنے دیگر ساتھیوں کے ساتھ موجودگی کی اطلاع پر چھاپا مارا گیا۔ پولیس کے مطابق اس دوران 3 ملزمان نے پولیس ٹیم پر فائرنگ شروع کر دی، جس پر جوابی فائرنگ کی گئی۔ کراس فائرنگ کے نتیجے میں ملزم ذیشان زخمی حالت میں دوبارہ گرفتار کر لیا گیا جب کہ اس کے 2 ساتھی موقع سے فرار ہو گئے۔ زخمی ملزم کے قبضے سے اسلحہ بھی برآمد ہوا۔
مبینہ مقابلے کی اطلاع ملنے پر سینئر پولیس افسران موقع پر پہنچ گئے جب کہ زخمی ملزم کو اسپتال منتقل کیا گیا۔ اس دوران فرار ملزمان کی تلاش کے لیے علاقے میں سرچ آپریشن شروع کر دیا گیا ہے۔
پولیس حکام کے مطابق گرفتار ملزم تھانہ دھمیال کے علاقے میں معصوم بچی کے کانوں سے زبردستی بالیاں اتار کر فرار ہونے کے مقدمے کے علاوہ اغوا کے مقدمے میں بھی ملوث ہے اور ریکارڈ یافتہ ملزم ہے۔
.
ذریعہ
ذریعہ: Express News
کلیدی لفظ: بچی کے کانوں سے کی بالیاں علاقے میں ملزم کو
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا