ٹی ٹوئنٹی ورلڈ کپ میں شرکت نہ کرنے پر بی سی بی کو 325 کروڑ ٹکا کا نقصان ہوگا
اشاعت کی تاریخ: 23rd, January 2026 GMT
data-id="863a0a8" data-element_type="widget" data-widget_type="theme-post-content.default">
ڈھاکہ: اگر بنگلادیش کرکٹ ٹیم انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ میں حصہ نہ لے تو بنگلادیش کرکٹ بورڈ (بی سی بی) کو مالی بحران کا سامنا کرنا پڑ سکتا ہے۔
بھارتی ذرائع ابلاغ کے مطابق بنگلادیش کی آئی سی سی ٹی ٹوئنٹی ورلڈ کپ 2026 میں شرکت نہ کرنے پر بی سی بی کو تقریباً 325 کروڑ ٹکا کے نقصانات کا سامنا کرنا پڑ سکتا ہے، جو بورڈ کی سالانہ آمدن کا ایک بڑا حصہ ہے۔
ذرائع کے مطابق نقصان نہ صرف میچوں کی ٹکٹ فروخت تک محدود رہے گا بلکہ براڈکاسٹنگ حقوق اور اسپانسر شپ سے حاصل ہونے والی آمدن بھی بری طرح متاثر ہو سکتی ہے، جو بی سی بی کی کل آمدن کا تقریباً 60 فیصد بنتی ہے۔ اس مالی دھچکے سے بنگلادیش کرکٹ کے منصوبے اور ترقیاتی پروگرامز بھی متاثر ہونے کا امکان ہے۔
واضح رہے کہ بنگلہ دیش کرکٹ بورڈ نے 4 جنوری کو بنگلہ دیشی حکومت کے ساتھ مشاورت کے بعد آئی سی سی کو آگاہ کیا تھا کہ وہ سکیورٹی خدشات کے باعث ٹیم کو بھارت نہیں بھیجے گا۔
بدھ کے روز آئی سی سی نے بورڈ اجلاس کے بعد بنگلادیش کے سیکیورٹی خدشات مسترد کرتے ہوئے خبردار کیا تھا کہ اگر مؤقف برقرار رکھا گیا تو بنگلادیش کو ٹی ٹوئنٹی ورلڈکپ میں کسی اور ٹیم سے تبدیل کیا جا سکتا ہے۔
بنگلہ دیش کو ٹی 20 ورلڈ کپ کے گروپ سی میں شامل کیا گیا ہے.
بھارتی میڈیا رپورٹس کے مطابق اس سال دونوں ٹیموں کے درمیان دوطرفہ سیریز شیڈول ہیں، جن پر اب غیر یقینی کا سایہ پڑ گیا ہے، بی سی بی کے اس فیصلے کے بعد دونوں ممالک کے درمیان مستقبل کی دوطرفہ کرکٹ سیریز بھی خطرے میں پڑ سکتی ہیں۔
یاد رہے کہ ٹی ٹوئنٹی ورلڈ کپ فروری اور مارچ میں بھارت اور سری لنکا میں شیڈول ہے، جہاں پاکستان کرکٹ ٹیم اپنے تمام میچز سری لنکا میں کھیلے گی۔
ذریعہ
ذریعہ: Jasarat News
کلیدی لفظ: ٹی ٹوئنٹی ورلڈ کپ
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار