سرگودھا میں دلخراش واقعہ، میاں بیوی نے خودکشی کر لی
اشاعت کی تاریخ: 23rd, January 2026 GMT
سرگودھا میں میاں بیوی کی خودکشی کا ایک دلسوز واقعہ پیش آیا ہے، جہاں موت سے قبل ریکارڈ کیا گیا خاتون کا ویڈیو بیان منظرِ عام پر آ گیا۔
ویڈیو میں خاتون نے دعویٰ کیا کہ پولیس اہلکار انہیں مسلسل ہراساں اور دھمکیاں دے رہے تھے جس کی وجہ سے وہ انتہائی ذہنی دباؤ کا شکار ہو گئے تھے۔
خاتون کے مطابق پولیس نے ان سے پانچ تولہ سونا اور پچیس لاکھ روپے رشوت کا مطالبہ کیا اور رقم نہ دینے کی صورت میں جسمانی ریمانڈ اور تشدد کی دھمکیاں دی گئیں۔ ویڈیو پیغام میں خاتون کا کہنا تھا کہ وہ مزید ذلت برداشت نہیں کر سکتے تھے، اسی لیے انہوں نے اپنی مرضی سے زہریلی گولیاں کھا لیں۔
واقعے کے بعد پولیس کی جانب سے مؤقف سامنے آیا ہے کہ جن اہلکاروں پر الزامات لگائے گئے ہیں ان سے مکمل تفتیش کی جائے گی۔ پولیس حکام کا کہنا ہے کہ معاملے کی تحقیقات کے بعد حقائق سامنے لائے جائیں گے اور اگر الزامات ثابت ہوئے تو ذمہ داروں کے خلاف کارروائی کی جائے گی۔
.
ذریعہ
ذریعہ: Al Qamar Online
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ