اسٹاک ایکسچینج میں خریداری کا رجحان، انڈیکس 188 ہزار پوائنٹس کے قریب
اشاعت کی تاریخ: 23rd, January 2026 GMT
پاکستان اسٹاک ایکسچینج میں جمعے کو خریداری کا رجحان دیکھا گیا، جہاں کاروباری سیشن کے پہلے نصف میں کے ایس ای 100 انڈیکس 188,000 پوائنٹس کی سطح کے قریب ٹریڈ کرتا رہا۔
دوپہر 12 بجے بینچ مارک کے ایس ای 100 انڈیکس 187,813.57 پوائنٹس پر موجود تھا، جو 125.41 پوائنٹس یعنی 0.07 فیصد اضافے کو ظاہر کرتا ہے۔
یہ بھی پڑھیں: روپے کی قدر میں مضبوطی، پاکستانی معیشت کو کیسے متاثر کر سکتی ہے؟
اہم شعبوں میں خریداری دیکھی گئی، جن میں آٹوموبائل اسمبلرز، سیمنٹ، کمرشل بینکس، فرٹیلائزر، تیل و گیس کی تلاش کرنے والی کمپنیاں، آئل مارکیٹنگ کمپنیاں، بجلی پیدا کرنے والے ادارے اور ریفائنریز شامل ہیں۔
Market is up at midday ????
⏳ KSE 100 is positive by +128.
— Investify Pakistan (@investifypk) January 23, 2026
اٹک ریفائنری، حبکو، اوجی ڈی سی ایل، پی او ایل، پاکستان پیٹرولیم، ایس این جی پی ایل، فوجی فرٹیلائزر، مسلم کمرشل بینک، میزان بینک، نیشنل بینک اور یونائیٹڈ بینک سمیت انڈیکس پر اثرانداز ہونے والے بڑے شیئرزسبز زون میں ٹریڈ کرتے رہے۔
رواں برس کی پہلی ابتدائی عوامی پیشکش یعنی آئی پی او پاک-قطر جنرل تکافل لمیٹڈ نے گزشتہ روز یعنی جمعرات کو پاکستان اسٹاک ایکسچینج میں تاریخ رقم کی، جہاں اسے روپے کی بنیاد پر 21 گنا زائد سبسکرپشن حاصل ہوئی، جو اب تک کی بلند ترین سطح ہے۔
مزید پڑھیں: روپے کی قدر میں مضبوطی، پاکستانی معیشت کو کیسے متاثر کر سکتی ہے؟
اسی روز، منتخب شیئرز میں خریداری کے باعث اسٹاک ایکسچینج میں معمولی بحالی دیکھنے میں آئی، جس سے مارکیٹ پچھلے سیشن کی شدید فروخت کے بعد کچھ نقصانات پورے کرنے میں کامیاب رہی۔
مجموعی طور پر مارکیٹ کے رجحان میں بہتری آئی اور بینچ مارک انڈیکس دن کے اختتام پر مثبت زون میں بند ہوا۔، کے ایس ای 100 انڈیکس 654.90 پوائنٹس یعنی 0.35 فیصد اضافے کے ساتھ 187,688.16 پوائنٹس پر بند ہوا۔
عالمی سطح پر، ایشیائی مارکیٹوں میں جمعے کو حصص کی قیمتوں میں اضافہ دیکھا گیا، جب بینک آف جاپان نے شرح سود برقرار رکھنے کا فیصلہ کیا، اسی دوران امریکی ڈالر پر دباؤ بڑھنے کے باعث سونا اور چاندی نئی بلند ترین سطحوں پر پہنچ گئے۔
ایم ایس سی آئی کا جاپان کے علاوہ ایشیا پیسیفک خطے کے حصص پر مشتمل وسیع ترین انڈیکس 0.5 فیصد بڑھا، جبکہ نکی 225 میں 0.3 فیصد اضافہ ہوا۔ ایس اینڈ پی 500 کے ای-منی فیوچرز میں اتار چڑھاؤ رہا اور وہ 0.2 فیصد اضافے کے ساتھ ٹریڈ کرتے رہے۔
بینک آف جاپان کے فیصلے کے بعد ین امریکی ڈالر کے مقابلے میں 0.1 فیصد کمزور ہوا اور آخری بار 158.61 ین فی ڈالر پر ٹریڈ کرتا دیکھا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی او اٹک ریفائنری اسٹاک ایکسچینج انڈیکس ایشیا پیسیفک بینک آف جاپان پاک-قطر جنرل تکافل لمیٹڈ پاکستان پاکستان پیٹرولیم فوجی فرٹیلائزر مسلم کمرشل بینک
ذریعہ
ذریعہ: WE News
کلیدی لفظ: ا ئی پی او اسٹاک ایکسچینج انڈیکس ایشیا پیسیفک بینک آف جاپان پاکستان پاکستان پیٹرولیم فوجی فرٹیلائزر
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب آ گیا
لاہور: دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔ فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھیواضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا