سانحہ گل پلازہ: 16 افراد کی شناخت مکمل، سرچ آپریشن آج ختم ہونے کا امکان
اشاعت کی تاریخ: 23rd, January 2026 GMT
کراچی میں رونما سانحہ گل پلازہ میں اب تک شناخت کے لیے 71 انسانی باقیات اور لاشوں کے نمونے حاصل کر لیے گئے ہیں، جبکہ 16 افراد کی شناخت کا عمل مکمل ہو چکا ہے۔
دوسری جانب ڈپٹی کمشنر ساؤتھ کا کہنا ہے کہ خاکستر ہوجانیوالے گل پلازہ میں سرچ آپریشن آج مکمل ہو جائے گا۔
یہ بھی پڑھیں: گل پلازہ سے ملنے والی انسانی باقیات کی حالت خراب، ڈی این اے کا حصول بھی ناممکن ہوگیا
میڈیا سے گفتگو کرتے ہوئے پولیس سرجن ڈاکٹر سمیعہ سید نے کہا کہ لاشیں بری طرح جل جانے کی وجہ سے ڈی این اے کا حصول اور مزید میچنگ کا عمل پیچیدہ ہو گیا ہے، اس لیے فی الحال مزید تفصیلات بتانا ممکن نہیں۔
’میڈیا کو جتنی تفصیل دی جا سکتی تھی، وہ فراہم کر دی گئی ہے۔‘
Day 5 of Gul Plaza Incident: A total of 67 remains have been processed.
Breakup of 67 :
Facial identification: 6
CNIC/ partial facial identification: 1
DNA identification: 8#GulPlazaFire#PoliceSurgeonKarachi @sindhinfodepart
— Summaiya Syed Tariq (@DrSueTariq) January 22, 2026
چیف فائر آفیسر کے ایم سی ہمایوں خان کے مطابق ریسکیو آپریشن مسلسل جاری ہے اور جہاں کسی شخص کی موجودگی کی اطلاع ملتی ہے، وہاں فوری طور پر تلاش کا عمل شروع کر دیا جاتا ہے۔
سربراہ ریسکیو 1122 کے مطابق آج گل پلازہ کی متاثرہ عمارت میں ریسکیو آپریشن مکمل کر لیا جائے گا، عمارت کا 10 سے 15 فیصد حصہ ایسا تھا جہاں پہلے رسائی ممکن نہیں ہو سکی تھی، تاہم آج ان حصوں میں بھی سرچنگ کی جائے گی۔
مزید پڑھیں: پارلیمنٹ کا سندھ حکومت سے سانحہ گل پلازہ کے متاثرین کی فوری مدد کا مطالبہ
جامعہ کراچی کی سندھ فرانزک ڈی این اے لیب میں مزید ایک لاش کی شناخت ہو گئی ہے، جس کے بعد ڈی این اے کے ذریعے شناخت ہونے والی لاشوں کی مجموعی تعداد 16 ہو گئی ہے، 12 لاشوں کے نمونوں کے ساتھ ڈی این اے پروفائلنگ کے لیے 47 لواحقین کے نمونے موصول ہوئے تھے۔
ڈپٹی کمشنر ساؤتھ کے مطابق لاپتا افراد کی حتمی فہرست 77 افراد پر مشتمل ہے۔ اگر اس کے علاوہ کوئی شخص لاپتا ہے تو اس کے اہلِ خانہ متعلقہ حکام سے رابطہ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسانی باقیات پولیس سرجن چیف فائر آفیسر ڈاکٹر سمیعہ سید ڈپٹی کمشنر ڈی این اے ریسکیو آپریشن سانحہ گل پلازہ میچنگ
ذریعہ
ذریعہ: WE News
کلیدی لفظ: انسانی باقیات پولیس سرجن چیف فائر آفیسر ڈاکٹر سمیعہ سید ڈپٹی کمشنر ڈی این اے ریسکیو ا پریشن گل پلازہ میچنگ سانحہ گل پلازہ ڈی این اے
پڑھیں:
بجلی صارفین کے لیے ایک اور جھٹکا، فی یونٹ نرخ بڑھنے کا امکان
اسلام آباد: بجلی کی قیمت میں اضافہ ایک بار پھر زیر غور آ گیا ہے، کیونکہ اپریل 2026 کی ماہانہ فیول ایڈجسٹمنٹ کی مد میں بجلی ایک روپے 73 پیسے فی یونٹ مہنگی کرنے کی درخواست نیپرا میں جمع کرا دی گئی ہے۔
نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے دوران خطے میں جاری کشیدگی اور جنگی صورتحال کے باعث توانائی کے شعبے کو متعدد چیلنجز کا سامنا رہا، جس کے اثرات بجلی کی پیداوار پر بھی مرتب ہوئے۔
سی پی پی اے کے مطابق اپریل میں درآمدی ایل این جی کی دستیابی نہ ہونے کے برابر تھی، تاہم مئی کے آغاز میں ایل این جی کے معاہدہ شدہ اور اسپاٹ کارگوز موصول ہونے کے بعد ایل این جی سے چلنے والے بجلی گھروں کو دوبارہ فعال کیا گیا، جس سے نظام میں بہتری آئی۔
حکام نے نیپرا کو آگاہ کیا کہ صنعتی شعبے کے علاوہ تقریباً تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ آئندہ دو ماہ کے لیے ایل این جی کی یومیہ بنیادوں پر منصوبہ بندی مکمل کر لی گئی ہے تاکہ ایندھن کی فراہمی اور بجلی کی پیداوار میں کسی قسم کی رکاوٹ پیدا نہ ہو۔
سی پی پی اے حکام کا کہنا ہے کہ اگرچہ بجلی کی قیمت میں اضافہ تجویز کیا گیا ہے، تاہم مئی، جون اور جولائی کی فیول ایڈجسٹمنٹ میں صارفین کو بڑے اضافی بوجھ کا سامنا نہیں کرنا پڑے گا کیونکہ ضروری انتظامات اور ایندھن کی دستیابی کو یقینی بنایا جا چکا ہے۔
اب نیپرا درخواست پر تمام فریقین کا مؤقف سننے کے بعد حتمی فیصلہ جاری کرے گا، جس کے بعد یہ طے ہوگا کہ صارفین کو بجلی کے بلوں میں کتنا اضافی بوجھ برداشت کرنا پڑے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے