آسٹریلیا کیخلاف ٹی20 سیریز کے لیے قومی اسکواڈ کا اعلان، کن اہم کھلاڑیوں کی واپسی ہوئی؟
اشاعت کی تاریخ: 23rd, January 2026 GMT
پاکستان کرکٹ بورڈ (پی سی بی) نے آسٹریلیا کے خلاف 3 میچوں پر مشتمل ٹی20 انٹرنیشنل سیریز کے لیے 16 رکنی قومی اسکواڈ کا اعلان کر دیا ہے۔
سیریز کے تمام میچز لاہور کے قذافی اسٹیڈیم میں 29، 31 جنوری اور یکم فروری کو کھیلے جائیں گے، جو شام 4 بجے (پاکستانی وقت) شروع ہوں گے۔ اس سیریز کے ذریعے شائقین کرکٹ کو ایک بار پھر ہوم گراؤنڈ پر اعلیٰ معیار کی بین الاقوامی کرکٹ دیکھنے کا موقع ملے گا۔
یہ بھی پڑھیے: ٹی 20 ورلڈ کپ: حارث رؤف کو 15 رکنی اسکواڈ میں شامل نہ کرنے کا فیصلہ
بابر اعظم اور شاہین شاہ آفریدی کی ٹی20 اسکواڈ میں واپسی ہوئی ہے، جو جنوری میں سری لنکا کے خلاف کھیلی گئی 3 میچوں کی سیریز میں شامل نہیں تھے۔ شاداب خان بھی اپنی واپسی کے سفر کو جاری رکھیں گے اور مضبوط اسپن بولنگ یونٹ کا حصہ ہوں گے، جس میں ابرار احمد، محمد نواز اور عثمان طارق شامل ہیں۔
قومی ٹیم اور سپورٹ اسٹاف 24 جنوری بروز ہفتہ لاہور میں رپورٹ کرے گا، جبکہ سیریز کی باضابطہ تیاریوں کا آغاز اگلے روز کیا جائے گا۔ دوسری جانب آسٹریلوی ٹیم 28 فروری کو پاکستان پہنچے گی اور یہ پاکستان کی سرزمین پر ٹی20 فارمیٹ میں ان کی دوسری سیریز ہوگی، اس سے قبل اپریل 2022 میں قذافی اسٹیڈیم میں ایک واحد ٹی20 میچ کھیلا گیا تھا۔
یہ بھی پڑھیے: آئی سی سی انڈر19 ورلڈ کپ: پاکستان کا زمبابوے کیخلاف تیسرے گروپ مرحلے کے میچ کے لیے اسکواڈ کا اعلان
اعلان کردہ 16 رکنی اسکواڈ میں سلمان علی آغا (کپتان)، ابرار احمد، بابر اعظم، فہیم اشرف، فخر زمان، خواجہ محمد نفے (وکٹ کیپر)، محمد نواز، محمد سلمان مرزا، محمد وسیم جونیئر، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، شاداب خان، عثمان خان (وکٹ کیپر) اور عثمان طارق شامل ہیں۔
سپورٹ اسٹاف میں نوید اکرم چیما (ٹیم منیجر)، مائیک ہیسن (ہیڈ کوچ)، ایشلے نوفکے (بولنگ کوچ)، شین میکڈرموٹ (فیلڈنگ کوچ)، حنیف ملک (بیٹنگ کوچ)، کلیف ڈیکن (فزیوتھراپسٹ)، گرانٹ لوڈن (اسٹرینتھ اینڈ کنڈیشننگ کوچ)، طلحہ اعجاز (پرفارمنس اینالسٹ)، سید نعیم احمد (میڈیا منیجر)، لیفٹیننٹ کرنل (ر) عثمان انواری (سیکیورٹی منیجر)، ڈاکٹر واجد علی رفائی (ٹیم ڈاکٹر)، ڈاکٹر راحیل کریم (سائیکاٹرسٹ) اور محمد احسان (مالشیا) شامل ہیں۔
سیریز کا شیڈول یہ ہے کہ پہلا ٹی20 29 جنوری بروز جمعرات، دوسرا 31 جنوری بروز ہفتہ اور تیسرا میچ یکم فروری بروز اتوار کو قذافی اسٹیڈیم لاہور میں کھیلا جائے گا، جبکہ تینوں میچز شام 4 بجے شروع ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار