آئندہ انتخابات بنگلہ دیش میں شفاف اور منصفانہ انتخابات کا معیار قائم کریں گے، محمد یونس
اشاعت کی تاریخ: 23rd, January 2026 GMT
بنگلہ دیش کے چیف ایڈوائزر محمد یونس نے کہا ہے کہ 12 فروری کو ہونے والے عام انتخابات ملک میں آئندہ تمام انتخابات کے لیے ایک معیار قائم کریں گے۔
یہ بیان انہوں نے جمعرات کو ڈھاکہ میں اسٹیٹ گیسٹ ہاؤس میں نئے تعینات امریکی سفیر برنٹ کرسٹینسن کے ساتھ ایک ملاقات کے دوران دیا، جس کی تفصیلات چیف ایڈوائزر کے پریس ونگ نے جمعہ کو جاری کیں۔
یہ بھی پڑھیں:
ملاقات میں متنوع امور پر تبادلہ خیال کیا گیا، جن میں آئندہ انتخابات کی تیاری، عبوری حکومت کی طرف سے حال ہی میں منظور شدہ لیبر قوانین، بنگلہ دیش اور امریکا ٹیرف معاہدے کی تجویز، اور موجودہ روہنگیا پناہ گزین بحران شامل تھے۔
February 12 general elections would set a benchmark for all future polls in Bangladesh, Bangladesh's Yunus tells newly appointed US Ambassador to Bangladesh, Brent Christensen pic.
— Sidhant Sibal (@sidhant) January 23, 2026
پروفیسر یونس نے سفیر کو عبوری حکومت کی اہم خارجہ پالیسی ترجیحات سے آگاہ کیا، جن میں بنگلہ دیش کی جانب سے ایسوسی ایشن آف ساؤتھ ایسٹ ایشین نیشنز (آسیان) میں شمولیت کی کوششیں اور ساؤثھ ایشین ایسوسی ایشن فار ریجنل کوآپریشن کو دوبارہ فعال کرنے کی کوششیں شامل ہیں۔
انہوں نے کہا کہ حکومت آزاد، منصفانہ اور شفاف انتخابات کرانے کے لیے مکمل طور پر تیار ہے، اور یورپی یونین بھی بڑی تعداد میں مبصرین بھیجے گا۔
یونس نے امید ظاہر کی کہ دیگر ترقیاتی شراکت دار بھی نگرانی کے لیے ٹیمیں بھیجیں گے۔
مزید پڑھیں:
محمد یونس کا کہنا تھا کہ یہ ایک جشن کے ماحول میں انتخابات ہوں گے اور آئندہ اچھے انتخابات کے معیار کا تعین کریں گے۔
سفیر کرسٹینسن نے کہا کہ وہ فروری کے انتخابات میں جیتنے والے کسی بھی امیدوار کے ساتھ کام کرنے کے منتظر ہیں۔
انہوں نے عبوری حکومت کے اصلاحی ایجنڈے کو سراہا اور گزشتہ 18 ماہ کے دوران یونس کی قیادت کی تعریف کی، نیز حال ہی میں نافذ ہونے والے لیبر قوانین کا بھی خیرمقدم کیا۔
مزید پڑھیں:
چیف ایڈوائزر نے بنگلہ دیشی برآمدات پر ٹیرف میں کمی پر امریکی صدر ڈونلڈ ٹرمپ کا شکریہ ادا کرتے ہوئے امید ظاہر کی کہ جاری تجارتی مذاکرات مزید کمی کا سبب بنیں گے۔
امریکی سفیر نے مذاکرات میں پیش رفت کا خیرمقدم کرتے ہوئے کہا کہ زرعی تجارت میں توسیع ڈھاکہ اور واشنگٹن کے مباحثے میں مرکزی اہمیت رکھتی ہے۔
یونس نے مزید کہا کہ امریکا ایک لاکھ سے زائد روہنگیا پناہ گزینوں کے لیے انسانی ہمدردی کی مدد جاری رکھے ہوئے ہے جو جنوب مشرقی بنگلہ دیش کے کیمپوں میں رہائش پذیر ہیں۔
مزید پڑھیں:
انہوں نے بنگلہ دیش کی جنوب اور جنوب مشرقی ایشیا کے درمیان تذویراتی حیثیت کو اجاگر کرتے ہوئے کہا کہ ڈھاکہ نے آسیان کے ساتھ سیکٹورل ڈائیلاگ پارٹنرشپ کے لیے درخواست دی ہے۔
انہوں نے بتایا کہ سارک کو دوبارہ فعال کرنے کی کوششیں جاری ہیں، انہوں نے امید ظاہر کی کہ آئندہ منتخب حکومت اس اقدام کو آگے بڑھائے گی۔
دونوں فریقین نے حال ہی میں 75 ممالک بشمول بنگلہ دیش پر امریکی ویزا پابندیوں پر بھی تبادلہ خیال کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ گیسٹ ہاؤس آسیان امریکا امریکی سفیر برنٹ کرسٹینسن بنگلہ دیش ٹیرف چیف ایڈوائزر ڈونلڈ ٹرمپ روہنگیا سارک سیکٹورل ڈائیلاگ پارٹنرشپ لیبر قوانین محمد یونس
ذریعہ
ذریعہ: WE News
کلیدی لفظ: ا سیان امریکا امریکی سفیر برنٹ کرسٹینسن بنگلہ دیش ٹیرف چیف ایڈوائزر ڈونلڈ ٹرمپ روہنگیا لیبر قوانین محمد یونس چیف ایڈوائزر بنگلہ دیش محمد یونس انہوں نے یونس نے کے لیے کہا کہ
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
پاکستان نے ورلڈ کپ 2028 کیلیے براہ راست کوالیفائی کر لیا