پنجاب ڈیفیمیشن ایکٹ، عظمیٰ بخاری کا پہلا ہتکِ عزت کا کیس دائر
اشاعت کی تاریخ: 23rd, January 2026 GMT
لاہور(نیوزڈیسک) وزیراطلاعات پنجاب عظمیٰ بخاری نےاپوزیشن لیڈر پنجاب اسمبلی معین ریاض قریشی کے خلاف مبینہ جھوٹے اور ہتک آمیز بیان پر ڈیفیمیشن ٹریبونل لاہورمیں دعویٰ دائرکیا ہے،معین ریاض قریشی کے خلاف 8 کروڑ 40 لاکھ روپے ہرجانے کا دعویٰ کیا گیا ہے۔
درخواست کےمطابق نجی ٹی وی کے ایک پروگرام اور بعد ازاں سوشل میڈیا، بالخصوص پی ٹی آئی کے آفیشل اکاؤنٹ پرنشر ہونے والے بیان کو ہتکِ عزت قرار دیا گیا،وزیر اطلاعات پنجاب کا مؤقف ہے کہ ان پر 150 سے 200 افراد کو پیسے دے کر پنجاب اسمبلی میں داخل کروانے کا الزام سراسر بے بنیاد،من گھڑت اوربدنیتی پر مبنی ہے۔
عظمیٰ بخاری کےمطابق متنازع بیان ٹی وی اورسوشل میڈیا پر نشر ہوا جسے لاکھوں افراد نے دیکھا، جس سے انکی عزت،وقار اورساکھ کوشدید نقصان پہنچا،درخواست کےساتھ ویڈیو کلپس،اسکرین ریکارڈنگز اور بیان کے ٹرانسکرپٹس بطور شواہد عدالت میں جمع کروائے گئے ہیں، ڈیفیمیشن درخواست میں عام، تعزیری اور خصوصی ہرجانے کی تفصیلات بھی شامل کی گئی ہیں۔
درخواست میں مؤقف اختیارکیاگیا ہےکہ عوامی شخصیات کی ساکھ کو جھوٹے الزامات کے ذریعے نقصان پہنچانا عوامی مفاد کےخلاف ہے،
درخواست کےمطابق دعویٰ کا سبب 28 دسمبر 2025 کو پیدا ہوا، عدالت لاہور کو مکمل دائرہ اختیار حاصل ہے،عدالت میں 15 ہزار روپے عدالتی فیس ادا کی گئی ہے،جبکہ مجموعی ہرجانےکی مالیت 8 کروڑ 40 لاکھ روپے مقرر کی گئی ہے۔
وزیراطلاعات پنجاب نے عدالت سے استدعا کی ہے کہ مدعا علیہ کے خلاف ہرجانے کی ڈگری جاری کی جائے اور عدالتی اخراجات بھی ادا کرنے کا حکم دیا جائے۔
.
ذریعہ
ذریعہ: Daily Mumtaz
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار