بھارت:2 بیویوں میں شوہرکا بٹوارہ، پنچایت کا فلمی انصاف
اشاعت کی تاریخ: 23rd, January 2026 GMT
data-id="863a0a8" data-element_type="widget" data-widget_type="theme-post-content.default">
رامپور: بھارتی ریاست اترپردیش کے رامپور ضلع سے ایک عجیب و غریب معاملہ سامنے آیا ہے جسے سن کر آپ حیران رہ جائیں گے۔
یہاں پنچایت نے زمین، مکان یا دکان نہیں بلکہ شوہر کا بٹوارہ کیا ہے،جی ہاں! 2 بیویوں کے درمیان پھنسے شوہر کے حوالے سے پنچایت کا فیصلہ علاقے میں سب سے بڑا موضوع بحث بن گیا ہے۔
معاملہ عظیم نگر تھانہ علاقہ کے ناگلیہ اکیل گائوں کا ہے، جہاں ایک شخص کی زندگی اس وقت تماشا بن گئی جب اس کی 2 بیویاں آمنے سامنے آگئیں۔اس نے اپنی پہلی بیوی کے ساتھ ارینج میرج کی تھی، جب کہ اس کی دوسری بیوی سے محبت کی شادی تھی۔
دونوں بیویاں اسے اپنے پاس رکھنا چاہتی تھیں،اس بات پر گھر میں اکثر جھگڑے ہوتے رہتے تھے۔
جھگڑے اس حد تک بڑھ گئے کہ پڑوسیوں کے لیے وہ روز کی تفریح بن گئے۔
آخر کار تنگ آکر دونوں بیویاں اپنے شوہر کے ساتھ عظیم نگر پولیس اسٹیشن گئی اور پولیس کو اپنی شکایتیں پیش کیں۔
پولیس ہر دن کی شکایات سے پریشان تھی،پولیس انسپکٹر اس غیر معمولی جھگڑے کو حل نہیں کر پا رہا تھا، کافی غور و خوض کے بعد پولیس نے معاملہ گائوں کی پنچایت کو بھیج دیا۔
گائوں کی پنچایت منعقد ہوئی جس میں شوہر، دونوں بیویاں اور ان کے اہل خانہ نے شرکت کی۔ طویل بحث کے بعد پنچایت کا فیصلہ کسی فلمی کہانی سے کم نہیں تھا۔ پنچایت نے شوہر کے ہفتہ وار روٹین کو تقسیم کر دیا۔
فیصلے کے مطابق شوہر پیر، منگل اور بدھ کو ایک بیوی کے ساتھ رہے گا جبکہ جمعرات، جمعہ اور ہفتہ دوسری بیوی کے ساتھ رہے گا۔ اتوار کو شوہر کے لیے “آزادی کا دن” قرار دیا گیا، یعنی وہ جہاں چاہے رہ سکتا ہے اور جیسے چاہے رہ سکتا ہے۔
پنچایت نے اس فیصلے کو تحریری طور پر درج کیا اور شوہر اور دونوں بیویوں سے اس پر دستخط کرنے کو کہا۔ پنچایت کا یہ غیر معمولی حکمنامہ اب پورے علاقے میں موضوع بحث بن گیا ہے۔ پنچایت کے فیصلے کے بعد شوہر اور دونوں بیویاں اپنے گھروں کو واپس آگئی ہیں۔
ویب ڈیسک
Faiz alam babar
ذریعہ
ذریعہ: Jasarat News
کلیدی لفظ: دونوں بیویاں پنچایت کا کے ساتھ شوہر کے
پڑھیں:
گھوٹکی: سابق ایم پی اے شہریار شر کے بیٹے کو بازیاب کروالیا: ایس ایس پی
گھوٹکی میں ڈہرکی سے سابق رکن صوبائی اسمبلی شہریار شر کے بیٹے کو بازیاب کروالیا گیا۔
ایس ایس پی گھوٹکی انور کھیتران کا کہنا ہے کہ جہانگیر شر کو نامعلوم موٹر سائیکل سوار ملزمان نے اغوا کیا تھا۔ واقعے کی اطلاع پر پولیس اور قبیلے لوگوں نے اغوا کاروں کا تعاقب کیا۔
انہوں نے بتایا کہ بچے کو پولیس نے مقابلے کے بعد بازیاب کروا لیا تاہم اس دوران ملزمان فرار ہوگئے۔
ایس ایس پی گھوٹی کا کہنا تھا کہ اغواکاروں کی نشاندہی ہوگئی ہے، ملزمان کا تعلق بھی شر قبیلے سے ہے۔ ملزمان کی گرفتاری کے لیے تعاقب جاری ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا