گلیات میں کسی سیاح کے پھنسنے یا نقصان کی کوئی اطلاع نہیں، ترجمان جی ڈی اے
اشاعت کی تاریخ: 23rd, January 2026 GMT
تصویر سوشل میڈیا۔
ترجمان گلیات ڈیولپمنٹ اتھارٹی سیف الرحمان نے ایک بیان میں کہا ہے کہ گلیات میں کسی سیاح کے پھنسنے یا نقصان کی کوئی اطلاع نہیں۔
ترجمان جی ڈی اے کے مطابق سیاحوں کو مکمل اور ہر طرح کی سہولیات فراہم کر رہے ہیں، عملہ 24 گھنٹے فیلڈ میں موجود ہے صورتحال پر نظر رکھے ہوئے ہیں۔
ترجمان جی ڈی اے کے مطابق گلیات کے مختلف علاقوں میں شدید برفباری ہو رہی ہے، جی ڈی اے اور پختونخوا ہائی وے اتھارٹی باہمی تعاون سے روڈ کلیئرنس کے کام میں مصروف ہیں۔
کمشنر راولپنڈی عامر خٹک نے کہا ہےکہ مری میں برفباری کا سلسلہ پھر سے شروع ہوگیا ہے، راولپنڈی اسلام آباد سے مری کا داخلہ بند کردیا گیا ہے۔
انھوں نے کہا کہ مسلسل برفباری کے باوجود سڑکوں کو بحال کرنے کی کوششیں جاری ہیں۔ مری سے نتھیا گلی آنے والا راستہ عارضی طور پر بند کر دیا گیا ہے۔
ترجمان جی ڈی اے کے مطابق مری سے نتھیا گلی کا راستہ سیاحوں کے تحفظ کی خاطر بند کیا گیا ہے، ایبٹ آباد سے نتھیا گلی جانے والے سیاحوں کے لیے ہرنوئی کا راستہ بند ہے۔ سیاحوں سے اپیل ہے غیر ضروری سفر سے گریز کریں۔
.
ذریعہ
ذریعہ: Jang News
کلیدی لفظ: ترجمان جی ڈی اے
پڑھیں:
اسمبلی کارروائی پیپر لیس کرنے کیلئے پنجاب اسمبلی میں جدید ٹیبلٹس کی تنصیب
پنجاب اسمبلی (فائل فوٹو)۔اسمبلی کارروائی پیپر لیس کرنے کے لیے پنجاب اسمبلی میں ارکان کے لیے جدید ٹیبلٹس انسٹال کر دییے گئے۔
لاہور سے ترجمان پنجاب اسمبلی کےمطابق صوبائی اسمبلی کا اگلا اجلاس پیپر لیس ہو گا، 380 ٹیبلٹس یورپین یونین کے آئی پی 5 پروگرام کے تحت پنجاب اسمبلی کو فراہم کیے گئے۔
ترجمان کے مطابق ایپلیکیشن پی آئی ٹی بی نے محکمہ قانون اور اسمبلی آئی ٹی ٹیم کی مشاورت سے تیار کیا، جو صرف اسمبلی کارروائی کے لیے ہے۔
چوہدری عامر حبیب کے مطابق اس فیصلہ سے گرین انرجی کے تحت توانائی کی بچت بھی ہو گی۔
وزارت آئی ٹی نے 1.67 ارب روپے سے زاید کے فنڈز طلب کرلیے