گل پلازہ سانحہ ریاستی قتل، کرپٹ حکمرانی کا ثبوت ہے، جی ڈی اے
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) گرینڈ ڈیموکریٹک الائنس (جی ڈی اے) کے رہنماؤں ڈاکٹر صفدر عباسی، سید زین شاہ اور سردار رحیم نے گل پلازہ میں پیش آنے والے المناک سانحے کو ریاستی قتل، مجرمانہ غفلت اور کرپٹ حکمرانی کا واضح ثبوت قرار دیا ہے۔جی ڈی اے رہنماؤں نے کہا کہ درجنوں معصوم تاجروں، شہریوں اور مزدوروں کا زندہ جل جانا اس امر کا ثبوت ہے کہ سندھ حکومت، بلدیاتی ادارے اور متعلقہ محکمے عوام کی جانوں کے محافظ بننے کے بجائے بلڈر مافیا اور کرپٹ افسران کے سہولت کار بن چکے ہیں۔ ان کے مطابق فائر سیفٹی کے بغیر عمارت کو برسوں تک چلنے کی اجازت دینا، حفاظتی معائنوں کا نہ ہونا اور ایمرجنسی نظام کی عدم موجودگی کسی ایک محکمے کی نہیں بلکہ پورے کرپٹ حکومتی ڈھانچے کی اجتماعی مجرمانہ غفلت ہے، جس کی قیمت انسانی جانوں کی صورت میں ادا کی گئی۔ انہوں نے کہا کہ کراچی کے نام نہاد میئر سے لے کر سندھ حکومت کے اعلیٰ ترین ایوانوں تک تمام ذمہ داران اس سانحے میں براہِ راست شریک جرم ہیں۔ جی ڈی اے رہنماؤں نے ایک مشترکہ بیان جاری کرتے ہوئے کہا کہ اس خون آلود المیہ کے بعد ان ذمہ داران کو نہ اخلاقی، نہ قانونی اور نہ ہی انسانی طور پر اپنے عہدوں پر برقرار رہنے کا کوئی حق حاصل ہے۔ ان کی دانستہ بے عملی، سنگین نااہلی اور کرپشن پر مبنی نظام نے کراچی کو مقتل بنا دیا ہے، جہاں تاجروں کو جان بوجھ کر خطرناک عمارتوں میں دھکیلا گیا اور شہریوں کو بے یار و مددگار چھوڑ دیا گیا۔ بیان میں واضح طور پر کہا گیا کہ یہ قتل عام کسی ایک ادارے یا فرد کی ناکامی نہیں بلکہ پوری حکومتی مشینری کی شکست اور وزیر اعلیٰ سندھ کی براہ راست ذمہ داری کا ثبوت ہے۔ جی ڈی اے رہنماؤں نے وزیر اعلیٰ سندھ کو اس سانحے کا اصل ذمہ دار قرار دیا۔ انہوں نے اعلان کیا کہ گرینڈ ڈیموکریٹک الائنس کسی رسمی تعزیت، نمائشی معطلی یا کھوکھلی انکوائری کو ہرگز قبول نہیں کرے گی۔ جی ڈی اے نے دو ٹوک مطالبہ کیا کہ میئر کراچی، وزیر بلدیات سندھ، وزیر محنت و سماجی تحفظ سندھ اور وزیراعلیٰ سندھ فوری طور پر استعفا دیں کیونکہ ان کی موجودگی میں نہ کراچی کے شہری اور نہ ہی کراچی شہر محفوظ رہ سکتا ہے۔ جی ڈی اے رہنماؤں نے مطالبہ کیا کہ غیر قانونی منظوری دینے والے افسران، فائر سیفٹی اور کے ایم سی کے ذمہ دار اہلکاروں کے خلاف قتل کے مقدمات درج کیے جائیں اور تحقیقات کسی سرکاری کمیٹی کے بجائے ہائیکورٹ کے حاضر سروس جج کے ذریعے کرائی جائیں تاکہ اس قاتل نظام کے تمام کردار بے نقاب ہو سکیں۔ آخر میں انہوں نے سندھ حکومت کو خبردار کیا کہ اگر اس سانحے کو بھی ماضی کی طرح فائلوں، کمیٹیوں اور وعدوں کی نذر کرنے کی کوشش کی گئی تو گرینڈ ڈیموکریٹک الائنس خاموش نہیں رہے گی بلکہ عوامی طاقت کے ذریعے اس خون آلود نظام کو چیلنج کرے گی۔ ان کا کہنا تھا کہ کراچی کے عوام مزید لاشیں اٹھانے کیلیے تیار نہیں اور اب یہ شہر قاتل حکمرانوں، نااہل میئر اور کرپٹ وزراء کو برداشت نہیں کرے گا۔
ذریعہ
ذریعہ: Jasarat News
کلیدی لفظ: جی ڈی اے رہنماو ں نے کیا کہ
پڑھیں:
سندھ میں 20 لاکھ گھروں کی تعمیر کو ممکن بنائیں گے:بلاول بھٹو کا گلگت جلسے سے خطاب
سٹی 42: گلگت بلتستان انتخابات کے سلسلے میں اسکردو میں پاکستان پیپلز پارٹی کے جلسے سے چیئرمین پاکستان پیپلز پارٹی بلاول بھٹو زرداری نے خطاب کرتے ہوئے کہا کہ سندھ میں 20 لاکھ گھروں کی تعمیر کا منصوبہ دنیا کا سب سے بڑا ہاؤسنگ پراجیکٹ ہے، جبکہ حقیقی ترقی امیروں کو مزید مراعات دینے کے بجائے غریبوں کو روزگار اور مواقع فراہم کرنے سے ممکن ہے۔
بلاول بھٹو زرداری نے کہا کہ گلگت بلتستان کے عوام کو ان کے آئینی اور جمہوری حقوق دینا ملکی ترقی کے لیے ناگزیر ہے۔ انہوں نے اعلان کیا کہ پیپلز پارٹی گلگت بلتستان کو 18ویں ترمیم جیسے اختیارات دینے کی حامی ہے اور اسلام آباد کو یہاں کے عوام کے حقِ ملکیت کو تسلیم کرنا ہوگا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پیپلز پارٹی نے کہا کہ تھر کول منصوبے میں 80 فیصد ملازمتیں مقامی افراد کو دی گئیں، جو ان کی جماعت کے عوام دوست وژن کا عملی ثبوت ہے۔ انہوں نے دعویٰ کیا کہ گلگت بلتستان کے دوروں کے حوالے سے وہ دیگر تمام سیاسی رہنماؤں سے زیادہ مرتبہ یہاں آ چکے ہیں۔
خطاب کے دوران بلاول بھٹو زرداری نے ملکی دفاعی صلاحیتوں کا ذکر کرتے ہوئے کہا کہ پاکستان کا ایٹمی پروگرام شہید ذوالفقار علی بھٹو کی قیادت میں شروع ہوا جبکہ میزائل پروگرام کو شہید محترمہ بینظیر بھٹو نے آگے بڑھایا۔ انہوں نے کہا کہ سابق صدر آصف علی زرداری نے پاکستان میں غیر ملکی فوجی اڈوں کی موجودگی کا خاتمہ کیا تھا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
سماجی بہبود کے حوالے سے انہوں نے کہا کہ بے نظیر انکم سپورٹ پروگرام کو ہر صورت محفوظ رکھا جائے گا اور آئندہ بجٹ میں اس پروگرام کے فنڈز میں اضافے کی کوشش کی جائے گی۔ ان کے مطابق پیپلز پارٹی غریب اور پسماندہ طبقات کی نمائندہ جماعت ہے اور عوامی فلاح کے منصوبوں کو جاری رکھے گی۔
علاقائی اور عالمی صورتحال پر گفتگو کرتے ہوئے بلاول بھٹو زرداری نے کہا کہ خطے میں جاری کشیدگی اور جنگوں کے اثرات پوری مسلم دنیا اور عالمی معیشت پر مرتب ہو رہے ہیں۔ انہوں نے امن کے قیام کی ضرورت پر زور دیتے ہوئے امید ظاہر کی کہ جنگوں کے خاتمے اور استحکام کے لیے جاری سفارتی کوششیں کامیاب ہوں گی۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
انہوں نے کہا کہ پیپلز پارٹی ہمیشہ امن، جمہوریت اور عوامی حقوق کی سیاست پر یقین رکھتی ہے اور آئندہ بھی عوام کے مفادات کے تحفظ کے لیے اپنا کردار ادا کرتی رہے گی۔
بلاول بھٹو زرداری نے کہا کہ آپ نے فیصلہ کرنا ہے ، عوام دوست یا عوام دشمن حکومت بنانی ہے ،ہماری غریب دوست اور ان کی عوام دشمن سیاست ہے ، میں نے سیلاب متاثرہ عوام کے لیے گھر بنا کر دیکھائے ۔ انھوں نے کہا کہ ہماری کوشش ہوتی ہے کہ زیادہ سے زیادہ لوگوں کو روزگار دیں ،دوسری جماعتوں کی کوشش ہوتی ہے کہ کیسے لوگوں کو بے روز گار کریں ۔
آزاد کشمیر:تعلیمی اداروں میں گرمیوں کی چھٹیوں کا اعلان
گلگت بلتستان میں انتخابی مہم کے سلسلے میں اسکردو میں جلسے سے خطاب کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ پاکستان کی دفاعی طاقت کی بدولت آج کوئی بھی ملک پاکستان کی جانب میلی آنکھ سے دیکھنے کی جرات نہیں کر سکتا۔ انہوں نے کہا کہ شہید ذوالفقار علی بھٹو نے قوم کو ایٹمی پروگرام کا تحفہ دیا، جبکہ شہید محترمہ بینظیر بھٹو نے میزائل پروگرام کو آگے بڑھایا اور ملکی دفاع کو مزید مضبوط بنایا۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
بلاول بھٹو زرداری نے سابق فوجی حکومت پر تنقید کرتے ہوئے کہا کہ مشرف دور میں غیر ملکی طاقتوں کو پاکستان کی سرزمین پر اڈے قائم کرنے کی اجازت دی گئی تھی، تاہم سلالہ واقعے کے بعد صدر آصف علی زرداری نے ایسے تمام اڈوں کو بند کروا کر غیر ملکی افواج کو واپس بھیج دیا۔ چیئرمین پیپلز پارٹی نے کہا کہ ان کی جماعت پاکستان کو ہر شعبے میں مضبوط اور خودمختار دیکھنا چاہتی ہے۔ ان کے بقول پاکستان پیپلز پارٹی واحد سیاسی جماعت ہے جو ملک کو مزید مستحکم اور عوامی فلاح کی راہ پر گامزن کر سکتی ہے۔
انہوں نے کہا کہ پیپلز پارٹی نے ہمیشہ عوام کو معاشی ریلیف فراہم کرنے کے لیے اقدامات کیے ہیں اور اسی سوچ کے تحت بے نظیر انکم سپورٹ پروگرام (بی آئی ایس پی) متعارف کرایا گیا، جس کے ذریعے غریب اور مستحق خاندانوں کو مالی معاونت فراہم کی جاتی ہے۔ بلاول بھٹو زرداری نے کہا کہ بی آئی ایس پی اسلام آباد یا کسی ایک علاقے کا نہیں بلکہ پورے پاکستان کے عوام کا پروگرام ہے، تاہم بعض سیاسی عناصر اسے ختم کرنے کی کوشش کرتے رہتے ہیں۔
انہوں نے اعلان کیا کہ چاہے گلگت بلتستان کے انتخابات میں پیپلز پارٹی کے امیدوار کامیاب ہوں یا نہ ہوں، وزیراعظم آئندہ بجٹ میں بے نظیر انکم سپورٹ پروگرام کے فنڈز میں اضافے کا اعلان کریں گے تاکہ زیادہ سے زیادہ مستحق افراد کو ریلیف فراہم کیا جا سکے،انہوں نے اس عزم کا اظہار کیا کہ پیپلز پارٹی آئندہ بھی عوامی فلاح، معاشی استحکام اور قومی خودمختاری کے لیے اپنی جدوجہد جاری رکھے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے