حکومت کا ملک میں مربوط توانائی منصوبہ نافذ کرنے کا فیصلہ
اشاعت کی تاریخ: 24th, January 2026 GMT
اسلام آباد:
توانائی کے شعبے میں طویل عرصے سے جاری گردشی قرضے، وزارتوں کے درمیان عدم ہم آہنگی اور غیر مربوط منصوبہ بندی کے باعث پیداہونے والے مسائل کے حل کیلیے حکومت نے انٹیگریٹڈ انرجی پلان پر عملی پیش رفت شروع کر دی ہے،منصوبے کامقصد تمام متعلقہ اداروں کو ایک پلیٹ فارم پر لاکرفیصلہ سازی کو مربوط، شفاف اورشواہد پرمبنی بناناہے۔
توانائی معاشی ترقی،سماجی بہتری اور انسانی ترقی کابنیادی محرک ہے،تاہم ماضی میں واضح منصوبہ بندی کے فقدان کے باعث وسائل کاغیر مؤثر استعمال، پالیسی تضادات اور سائلوز میں فیصلے ہوتے رہے۔ ان چیلنجزسے نمٹنے کیلیے حکومت نے PAK-IEM اور انٹیگریٹڈانرجی پلاننگ پراجیکٹ سمیت متعدداقدامات کیے ہیں۔۔حالیہ عالمی توانائی تبدیلیوں، ماحولیاتی تقاضوں اور نئی ٹیکنالوجی کے تناظر میں مضبوط قومی انٹیگریٹڈ انرجی پلان کی ادارہ جاتی سطح پر تشکیل کو ناگزیر قراردیاگیاہے۔
کابینہ کمیٹی برائے توانائی سے منظورشدہ منصوبے کے مطابق وزیراعظم آفس نے وزارتِ توانائی (پاور اور پیٹرولیم ڈویژنز)کو وزارتِ پانی، دیگروفاقی و صوبائی اداروں کے ساتھ مؤثر بین الوزارتی رابطہ قائم کرنے کی ہدایت کی تھی۔ ستمبر 2025 میں وفاقی وزیر PD&SI کی زیر صدارت ہونیوالے بین الوزارتی اجلاس میں پاور،پیٹرولیم، پانی اوراقتصادی امورکے وزرا نے انٹیگریٹڈ انرجی پلاننگ ایکوسسٹم،سیکرٹریٹ کے ڈھانچے اورروڈمیپ پر غورکیا۔ بعد ازاں اکتوبر 2025 میں سیکرٹری سطح کے اجلاس میں مجوزہ فریم ورک اورروڈمیپ سے اتفاق کیاگیا۔
مزید پڑھیںتوانائی کے ذرائع کی منتقلی، یورپی یونین نے اہم سنگِ میل عبور کرلیا
کابینہ کمیٹی نے انٹیگریٹڈ انرجی پلان کاڈھانچہ،ایکوسسٹم اور 2025–27 کااعلیٰ سطح روڈمیپ منظورکر لیا،جس کے تحت اسٹیئرنگ کمیٹی قائم کی جائیگی اورانرجی انفارمیشن سسٹم کومختلف وزارتوں اور اداروں کے ڈیٹابیسزکے انضمام کے ذریعے ادارہ جاتی شکل دی جائیگی۔ وزارتِ تجارت نے بھی منصوبے کی حمایت کرتے ہوئے اسے تجارتی پالیسی، پائیدار ترقیاتی اہداف اور نیٹ زیرو اہداف سے ہم آہنگ کرنے پرزور دیا۔ صوبوں اور گلگت بلتستان نے بھی منصوبے کی توثیق کردی،جبکہ آزادکشمیرکے چیف سیکرٹری کوبھی مجوزہ کمیٹی میں شامل کرنے کی تجویز دی گئی ہے۔
دوسری جانب گردشی قرضے کے خاتمے کی کوششوں کے تحت او جی ڈی سی ایل کو پاور ہولڈنگ پرائیویٹ لمیٹڈکی جانب سے سود کی ادائیگی کی ساتویں قسط موصول ہوگئی ہے۔ پاکستان اسٹاک ایکسچینج کوجاری نوٹس کے مطابق مجموعی طور پر 92 ارب کی رقم جولائی 2025 سے بارہ ماہانہ اقساط میں اداکی جارہی ہے۔
.
ذریعہ
ذریعہ: Express News
کلیدی لفظ: انٹیگریٹڈ انرجی
پڑھیں:
سعودی توانائی معاہدہ ابراہیمی معاہدوں سے مشروط، وائٹ ہاؤس نے ٹرمپ کا مؤقف دہرا دیا
نیوز بریفنگ کے دوران وائٹ ہاؤس کی ترجمان کا کہنا تھا کہ امریکی صدر کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ اسلام ٹائمز۔ وائٹ ہاؤس کی ترجمان کیرولین لیویٹ نے کہا ہے کہ امریکا اور سعودی عرب کے درمیان مجوزہ توانائی اور سول جوہری تعاون کا معاہدہ سعودی عرب کی ابراہیمی معاہدوں میں شمولیت سے مشروط ہے۔ نیوز بریفنگ کے دوران کیرولین لیویٹ نے بتایا کہ صدر ڈونلڈ ٹرمپ کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ انہوں نے کہا کہ صدر ٹرمپ ماضی میں بھی سعودی عرب کے ساتھ مختلف معاہدوں کے حوالے سے بات چیت کر چکے ہیں اور وہ چاہتے ہیں کہ سعودی عرب ابراہیم اکارڈز پر دستخط کرے۔
وائٹ ہاؤس کی ترجمان نے ایک سوال کے جواب میں کہا کہ صدر ٹرمپ اور چینی صدر شی جن پنگ کے درمیان متوقع ملاقات میں مصنوعی ذہانت (اے آئی) ٹیکنالوجی کی مبینہ چوری کا معاملہ بھی زیرِ بحث آنے کا امکان ہے۔ کیرولین لیویٹ نے اس بات کا اعادہ کیا کہ امریکا سعودی عرب کے ساتھ توانائی اور سول جوہری تعاون سے متعلق مذاکرات جاری رکھے گا، تاہم کسی بھی حتمی معاہدے کے لیے متعلقہ شرائط پوری ہونا ضروری ہوں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا