پاکستان کا مستقبل نوجوانوں سے جڑا: صدر، قوم کتابوں سے تعمیر ہوتی ہے: بلاول
اشاعت کی تاریخ: 24th, January 2026 GMT
اسلام آباد (نمائندہ خصوصی) صدر مملکت آصف علی زرداری نے عالمی یوم تعلیم کے موقع پر پیغام میں کہا کہ عالمی یوم تعلیم کے موقع پر میں پاکستان کے عوام، خاص طور پر طلبہ، اساتذہ، والدین، سکالرز اور تعلیم کے فروغ سے منسلک تمام افراد کو دلی مبارکباد پیش کرتا ہوں۔ اس سال کا موضوع ’’تعلیم کی تخلیق میں نوجوانوں کی طاقت‘‘ اس بات پر زور دیتا ہے کہ نوجوانوں کو صرف طالب علم نہیں بلکہ مفکر، موجد اور ذمہ دار شہری کے طور پر بھی تسلیم کیا جائے جن کے خیالات تعلیمی نظام اور جمہوری معاشروں کو مضبوط کرتے ہیں۔ پاکستان کا مستقبل براہ راست اس کی نوجوان نسل سے جڑا ہوا ہے۔ مفت اور لازمی تعلیم کی ضمانت اس بنیادی حق کے لئے ہمارے مشترکہ عزم کی عکاس ہے۔ انہوں نے کہا کہ تیزی سے بدلتے ہوئے اور باہمی رابطوں پر مبنی عالمی منظرنامے میں، تعلیم کو عملی مہارتوں، جدید علوم، اخلاقی اقدار اور تنوع کے احترام کو یکجا کرنا چاہئے۔ خواتین، مدارس کے طلباء اور پسماندہ علاقوں کے نوجوانوں تک مواقع بڑھانے والے اقدامات سماجی ہم آہنگی کو فروغ دیتے ہیں اور اس بات کو یقینی بناتے ہیں کہ ترقی کے ثمرات سب کو یکساں طور پر میسر ہوں۔ میں تمام متعلقہ افراد اور اداروں سے یہ امید رکھتا ہوں کہ وہ تعلیم کو قومی ترجیح کے طور پر تسلیم کریں گے اور اپنے نوجوانوں کو ایک ہنر مند، روشن خیال اور مضبوط پاکستان کی تعمیر میں شراکت دار بنائیں گے۔ چیئرمین بلاول بھٹو زرداری نے تعلیم کو وقار، مساوات اور امید کی سب سے طاقتور محرک اور غربت، انتہاپسندی اور ناانصافی کے خلاف مضبوط ترین ہتھیار قرار دیتے ہوئے کہا ہے کہ پاکستان پیپلز پارٹی کا پختہ یقین ہے کہ ملک کی منزل کا تعین میدانِ جنگ نہیں بلکہ کلاس رومز کرتے ہیں اور قومیں گولیوں سے نہیں بلکہ کتابوں سے تعمیر ہوتی ہیں۔ میڈیا سیل بلاول ہاؤس سے جاری کردہ پریس ریلیز کے مطابق، پی پی پی چیئرمین نے عالمی یومِ تعلیم کے موقع پر اپنے پیغام میں ملک کے شعبہ تعلیم سے منسلک تمام لوگوں خصوصاً طلبہ اور اساتذہ کو اس دن کی مبارکباد اور ان کی لگن پر خراج تحسین پیش کیا ہے۔ ہم ایک خاندان کو بااختیار بناتے ہیں، ایک کمیونٹی کو بلند کرتے ہیں اور اپنی قوم کے مستقبل کو مضبوط کرتے ہیں۔ انہوں نے تمام پاکستانیوں سے مخاطب ہوتے ہوئے کہا کہ عالمی یومِ تعلیم کے موقع پر آئیے ہم یہ تجدید عہد کریں کہ علم کے چراغ سے ہم ہر گھر کو روشن کریں گے کیونکہ ایک تعلیم یافتہ پاکستان ہی ایک مضبوط، پرامن اور ترقی پسند پاکستان ہے۔
.
ذریعہ
ذریعہ: Nawaiwaqt
کلیدی لفظ: تعلیم کے موقع پر عالمی یوم
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار